Woody Allenek irekiko du Cannesko Zinemaldiaren 69. edizioa
Woody Allenen 'Café Society' Jesse Eisenberg eta Kristen Stewart protagonista dituen azken filmak irekiko du Cannesko Nazioarteko 69. Zinemaldia. Aurten, maiatzaren 11tik 22ra arte iraungo du zinema-jaialdiak eta, besteak beste, Pedro Almodóvar zuzendaria izango da bertan.
Allenen pelikula Lumiere antzokian proiektatuko da, lehiaketa ofizialetik kanpo. Aurten 14. aldiz parte hartuko du aktore, zuzendari, gidoilari, idazle, umorista eta musikari estatubatuarrak Cannesen lehiaketatik kanpo.
George Miller zuzendari australiarra izango da 69. edizio honetan jaialdiko epaimahaiaren buru, eta, besteak beste, Arnaud Desplechin zuzendariak, Kirsten Dunst aktoreak, Valeria Golino aktore eta zuzendariak, eta Mads Mikkelsen aktoreak osatuko dute epaimahaia.
Zinema munduko pertsona horiek aukeratuko dute jaialdiko pelikula onena, eta, beraz, Urrezko Palma nork eramango duen. Bitxikeria moduan, Cannesko kartel ofiziala Jean Luc-Godard zuzendaria omentzeko egin dute aurten, izan ere, haren pelikula bateko fotogrametan oinarrituta diseinatu zuten.
Bestalde, Pedro Almodovarren “Julieta” pelikula maiatzaren 17an proiektatuko da. Cannesen proiektatzen duen bosgarren pelikula izango da, beste hauekin lehiatu baita aurretik: 'Todo sobre mi madre' (1999), 'Volver' (2006), 'Los abrazos rotos' (2009) eta 'La piel que habito' (2011).
Almodovarren lanarekin batera, besteak beste, honako pelikula hauek lehiatuko dira aurten: 'The neon demon', 'Elle', 'Sieranevada', 'The last face', 'Agassi', 'Loving', 'Bacalaureat', 'Ma' rosa', 'I, Daniel Blake' eta 'Mal de Pierres'.
Beste izen esanguratsu bat aipatzearren, Albert Serra zuzendariarena nabarmendu daiteke. Serra jaialdiraren Special Screenings sailean lehiatuko da, 'La muerte de Luis XIV' filmarekin.
Albiste gehiago gizartea
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.