Lau lagun atxilotu dituzte Boulevard Zumardian
Gipuzkoa Zutik erraustegiaren kontrako mugimenduak Boulevard zumardian kanpatuta jarraitzen du, oztopoak oztopo. Arratsaldean frackingari buruzko hitzaldi bat egin dute eta ondoren erraustegiaren kontrako giza katea osatu dute Kontxako hondartzan.
Astearte arratsaldeko batzarra ere jendetsua izan da eta bertan aste guztirako egitaraua erabaki dute.
Ertzaintza eta Donostiako Udaltzaingoa Boulevard Zumardian sartu dira berriro goizean. Gutxienez lau pertsona atxilotu dituzte, Gipuzkoa Zutik erraustegiaren kontrako plataformak jakitera eman duenez. Identifikatzeari uko egitea egotzita atxilotu dituzte, Segurtasun Sailaren esanetan. Denak aske utzi dituzte, dagoeneko.
Gainera, bosgarren pertsona bati diligentziak zabaldu dizkiote arrazoi berdinarengatik.
Atxiloketak 09:45 aldera egin dituzte. Kanpaldiko parte-hartzaileei identifikatzeko eskatu die Ertzaintzak. Horietako lauk erresistentzia pasiboa erabili dute. Ordubete geroago, beste pertsona bati ikerbidea hasi dio Ertzaintzak, desobedientzia leporatuta.
Erraustegiaren kontrako plataformak Donostiako Boulevard Zumardian kanpatzea erabaki zuen atzo.
Arratsaldean egindako batzar jendetsuan Gipuzkoa plazara itzultzen saiatzea erabaki zuten eta manifestazioan abiatu ziren bertara. Ertzaintzak, ordea, bidea oztopatu zien.
Ertzaintzaren eta manifestarien artean tentsio uneak bizi izan ziren eta manifestariek abestuz eta dantzatu erantzun zieten ertzainei.
Aurrera egin ezin zutela ikusita, lurrean eseri eta asanblada egin zuten Elkano kalean eta Boulevard Zumardian kanpaldia egitea erabaki zuten.
>
Zure interesekoa izan daiteke
Euri zaparradak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.