Zubietako erraustegia egiteko lanak urrian esleituko dira
Zubietako erraustegia egiteko lanak, aurreikuspenaren arabera, urrian esleituko ditu Gipuzkoako Foru Aldundiak, horretarako beharrezkoa den ingurumen-inpaktuari buruzko baimena eman baitu Eusko Jaurlaritzak. Imanol Lasa Gipuzkoako Foru Aldundiko eledunak Donostian hedabideen aurrean egin duen agerraldian jakinarazi duenez, hil honetan lizitatuko da eraikuntza.
Eusko Jaurlaritzak dagoeneko eman du erraustegia egiteko beharrekoa zen ingurumen baimena. Lasaren esanetan, EAJk eta PSE-EEk osatzen duten exekutiboak Bilduk utzitako "herentziari" egin behar izan dio aurre: "zaborra kalean, 40 milioi euroko zorra eta eraikuntzarik ez zaborrak kudeatzeko".
Egungo gobernua arazoari ahalik eta modurik eraginkorrenean aurre egiteko neurriak hartzen ari dela adierazi du bozeramaileak, eta, horretarako, "eredu europarra" hartu dutela kontuan azaldu du; "ingurumena errespetatu" eta "segurtasun berme guztiak" beteko dituen erraustegia egingo dutela esan du.
Gipuzkoako Aldundiak jarrera "positiboa" badu ere, "oraindik politika zaharrak, pankartak eta liskarrak" nahiago dituztenen jarrera salatu du Lasak.
Lau atxiloketa
Bitartean, Gipuzkoa Zutik erraustegiaren kontrako plataformak deituta, dozenaka lagun protestan ari dira azken egunotan Donostian. Gaur, Boulevard zumardian kanpaldian zeuden lau lagun atxilotu ditu Ertzaintzak. Identifikatzeari uko egiteagatik atxilotu dituzte, Segurtasun Sailaren arabera.
Albiste gehiago gizartea
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago atxilotua beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok lo okerrago egiten du, maila zentralean gure tenperatura jaitsi egin behar delako lo hartzeko eta egun hauetako beroarekin zailagoa delako. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
EHUk irudi berria aurkeztu du Chillida-Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute eta Leire Berasaluzek abestu du.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea min iraunkorra mendekotasunean erori gabe tratatzeko.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.
Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei
Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.
Alarde zatitua beste urte batez Irunen, San Martzial egunarekin batera
7:40an atera da Alarde Tradizionala, eta 10:20ean hasi du ibilbidea Parekideak.
Gizon bat hil da Donostian, istripuz, patinetean zebilela
55 urteko gizaseme bat hil da Altza auzoan, istripuz. Familiak salatu duenez, patinetearen kontrola galdu zuen txarto zegoen estolda batetik pasatzean, eta ingurua konpontzeko eskatu diote Udalari.