GuraSOSek erraustegiaren inguruko partaidetza prozesua eskatu du
GuraSOS erraustegiaren kontrako gurasoen plataformak legezko ekimen bat sartu du Gipuzkoako Aldundian azpiegitura horren inguruko partaidetza prozesua abian jar dadila eskatzeko. Ondorioz, erraustegia eraikitzeko lanak esleitzeko prozedura bertan behera geratu da behin-behinean, erakundeak erantzun arte.
Jose Maria Izeta eta Joseba Belaustegi GuraSOSen bozeramaileek aurkeztu dute ekimena, eta esan dute ez dutela planteatu ere egiten atzera botatzeko aukera. Era berean, Markel Olano ahaldun nagusiarekin eta Gobernantza eta Ingurumen arduradunekin eta alderdi politikoekin bilerak eskatuko dituztela iragarri dute.
Azaldu dutenez, ekimena aurkeztu ondoren, Zubietako erraustegirako "lanak esleitzeko prozesua automatikoki geratu da bertan behera", eta hilabeteko epea du Aldundiak erantzuteko.
GuraSOSek azpimarratu du herritarrek zaborrak kudeatzeko egitasmoan parte hartzea nahi duela, 2002-2016 epeari zegokion plana amaitzen ari delako "aurreikusitako erraustegia eraiki gabe".
Horren harira, 2002-2016 epeko egitasmoa onartu zenean Herritarren Partaidetzari buruzko Foru Araua ez zegoela indarrean gogorarazi dute, eta arau horrek "erabakitzeko prozesu parte-hartzailea" martxan jartzeko ekimen herritarrak aurreikusten dituela "politika publiko bat indarrean jarri aurretik".
Erraustegiaren erabakia hartuta dagoen arren, GuraSOSek uste du herritarren parte-hartzea egokia izango litzatekeela, "eragin sozialagatik" eta proiektua "nabarmen aldatu" delako.
Baldintza bi horiek betetzea beharrezkoa da, hain zuzen ere, partaidetza prozesua abian jartzeko, 2010ean onartutako arauaren arabera.
GuraSOS maiatzean osatutako elkartea da, eta ekainaren 19an manifestazioa egin zuen Donostian erraustegiaren kontra. "Hondakinen arazoa" konpontzeko irtenbidea herritar guztien adostasunez lortu beharra dagoela eta "gipuzkoarren osasuna, haurrena bereziki, lehenetsi" behar duela uste du.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.