Sanfilipporen aurkako tratamendu bat probatuko dute Gurutzetan
Sanfilippo eritasuna duten haurren familiek terapia berri bat gizakietan probatzen hastea espero dute uda ondoren. Entsegua Gurutzetako ospitalean (Bizkaia) egingo dute. Gaixotasunak haurren alzheimerra ematen du eta nerabezaroan heriotza eragin dezake.
Europako Botika Agentziak Abeona Therapeutics AEBko laborategiari saiakuntza egiteko baimena eman dio, Naiara Garcia de Andoinek jakitera eman duenez. Hala ere, terapia AEBko bi umetan probatu dute dagoeneko. Gardia de Andoinek gaixotasunarekin hiru seme-alaba ditu.
Garcia de Andoinen hitzetan, baimena lortuta pauso administratibo guztiak bukatu dira eta Gurutzetako entseguari “behin betiko” oniritzia eman diote. Terapia eritasunaren A aldaera duten gaixoei soilik aplikatu ahal zaie.
Gene berria
Terapia noiz hasiko den da “galdera nagusia”, azpimarratu duenez. Zain barneko injekzio bakarraren bidez gene berria sartzen dute, birus baten bitartez.
“Irailean edo urrian hastea nahiko nuke, baina benetako datu fidagarririk ez dut”, onartu du. Gainera, saiakuntzan erabiliko dituzten haurrak oraindik aukeratu behar dituztela aitortu du.
Sanfilippo Fundazioak ia paziente guztiak erroldan ditu, baina kasu berriak hartzeko prest daude, Garcia de Andoinek esan duenez. Hautaketa noiz egingo den ez dakite, ezta zenbat haurrek parte hartuko duten ere.
25 edo 30 ume
Antza denez, laborategiak 25 edo 30 haur artatuko ditu AEB, Espainia eta Australian. Hala ere, horietako bakoitzean zenbat umek parte hartuko duten oraindik ez dute zehaztu.
AEBn entsegua bi umerekin hasi dute, baina baten gurasoek soilik egin dituzte adierazpenak. “Alabak begietan distira berezia” duela ziurtatu dute, Naiarak itxaropentsu azaldu duenez.
Albiste gehiago gizartea
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.