La Palmako sutea kontrolpean hartzen hasi dira
La Palmako sutea inguratzen hasi dira eta orain El Cabrito inguruan ari dira jo eta su lanean, Kanariar uharteetako agintariek jakinarazi dutenez.
Los Llanos de Aridaneko (La Palma) 2. instrukzio epaitegiko epaileak bermerik gabe espetxera bidali du, sua eragitea egotzita atxilotu zuten 27 urteko alemaniarra. Azken lau egunetan suak 4.000 hektarea kiskali ditu eta sua itzaltzeko lanetan basozain bat hil da.
Gazte alemaniarra sua piztu zen gunean atxilotu zuten eta poliziei aitortu zien sutea nahi gabe eragin zuela. Azaldu zuenez, mendian kaka egin ostean garbitzeko erabili zuen paperari su eman zion, eta horrek eragin ei zuen sutea. Gizonari zuhurtziagabekeria astunagatik baso-sutea eragitea leporatu diote, Kanariar uharteetako Justizia Auzitegi Nagusiak berri eman duenez.
Asteazkenaz geroztik 4.000 hektarea baino gehiago erre dira eta 2.500 pertsonak etxetik alde egin behar izan dute.
Ostiral gauean sua inguratzea lortu zuten El Paso udalerrian eta orain sua kontrolpean hartzeko ahaleginetan ari dira El Cabrito sumendiaren inguruetan.
Fernando Clavijo Kanariar uharteetako presidenteak gaur goizean azaldu duenez piztuta jarraitzen duten hiru fronteetan ari dira lanean eta profesionalen "lan bikainari" esker sutea geldiaraztea lortu ei dute.
Albiste gehiago gizartea
Mila pertsonak baino gehiagok babesa adierazi diote palestinar herriari Gasteizen, eta Israeli boikot egiteko eskatu dute
Besteak beste, 'Palestina aske', 'Holokaustoa gelditu' eta 'Sionismo kriminala' oihuak entzun dira ibilbidean zehar. Protesta jendetsuan parte hartu duten ehunka herritarren artean jatorri palestinarreko haur batzuk ere egon dira.
'Koala anaiak' taldeko kide bat atxilotu dute Bilbon, bilatzeko eta atxilotzeko agindua baitzuen
Trafikoko arau-hauste bat egin ostean geldiarazi dute, hainbat hilabetez desagertuta egon ondoren, nahiz eta espetxeratzeko agindua izan Alexandru Ionita hiltzen saiatzeagatik.
Gaur ez dago sute aktiborik Asturiasen eta Galizian, baso-suteak piztu zirenetik lehen aldiz
Eguraldiaren aldaketak eta suhiltzaileen lanek sute handiak kontrolatzen lagundu dute.
Motorzale bat larri zauritu da N-634 errepidean, Deban, auto baten aurka talka eginda
Istripua arratsaldeko 20:15ean gertatu da, eta zauritua Donostia Ospitalera eraman dute anbulantzia batean, larri zaurituta.
Gernika-Palestinak lapiko-protestak deitu ditu irailaren 5erako, Gazako egoerak okerrera egin duela-eta
Kontzentrazioak 19:00etan izango dira, Hego Euskal Herriko udaletxeen aurrean. Merkataritza harremanak eteteko eta Israel isolatzeko zigorrak martxan jartzeko eskatu du.
Bilboko Udalaren bertsioa gezurtatuz, Kai Nakai, Maren eta Olatz Salvadorrek ziurtatu dute soilik lehenari egin ziotela agertoki alternatiboaren eskaintza
Itziar Urtasun zinegotziak esan du plaza Biribilean aritzea proposatu ziela, eta artistak izan zirela eskaintzari "uko" egin ziotenak.
200 komunikazio-profesionalek prentsaren aurkako Gazako sarraskia salatu dute Iruñean
Gazteluko plazan bildutako profesionalek manifestu bat irakurri dute hiru neurri nagusi eskatzeko: kazetarien eta hedabideetako langileen aurkako erasoak berehala bertan behera uztea; hilketa bakoitzari buruzko nazioarteko ikerketa independenteak irekitzea; eta kaltetutako lurralde guztietan prentsak, tokikoak zein nazioartekoak, askatasunez zirkulatzeko eta lan egiteko berme eraginkorrak ematea.
Tenerifen porturatutako Open Arms "negreroen" itsasontzia "konfiskatzea eta hondoratzea" eskatu du Abascalek
Fernando Clavijo Kanarietako presidentearen ustez, Voxeko buruzagiaren adierazpenak "benetako faxista" batenak dira.
Bilboko Udalak dio Kai Nakai, Maren eta Olatz Salvadorri eskaini ziela plaza Biribilean aritzea, baina haiek "ezetz" esan zutela
Montaketak, Abandoibarreko agertokia muntatzeaz arduratzen den enpresa, zigortuko dute kontratuaren % 10arekin (8.250 euro), ez diote emakida 2026rako luzatuko eta kalte-galerak eskatuko dituzte.
Gizon baten gorpua aurkitu dute Santurtziko portuko uretan
Herritar baten abisua jaso ondoren, Bizkaiko Foru Aldundiko suhiltzaileak, Ertzaintza, Santurtziko Udaltzaingoa eta anbulantzia medikalizatu bat bertaratu dira. Suhiltzaileek uretara salto egin dute gizona ateratzeko, baina bertan zegoen medikuak pertsona horren heriotza baieztatu du.