Suteagatik hustutako bizilagunak euren etxeetara itzuli dira
La Palmako suteagatik larunbat honetan ebakuatutako bizilagunak euren etxeetara itzultzen hasi dira La Escaleta auzoan, Fuencaliente udalerrian, eta baita Montes de Luna eta Tigaleteko auzoetan ere, Mazon, CECOES 1-1-2k jakinarazi duenez.
Montes de Luna udalerriko bizilagunek Fuentecalienteko hotelean igaro dute gaua eta Tigalateko herritarrak, berriz, Mazo udalerriko aterpetxe batera eraman dituzte. Ebakuazio lanetan Kanariar uharteetako Poliziak, Gurutze Gorriak, Udaltzaingoak eta Guardia Zibilak parte hartu dute.
Bestalde, 2.500 pertsonak etxera itzuli ahal izan dute El Pason eta Fuencalienten. Aipaturiko inguru horretan suhiltzaileek garrak kontrolpean hartzean lortu dute, baina oraindik ez dute itzali.
Atzo, Los Llanos de Aridaneko (La Palma) 2. instrukzio epaitegiko epaileak bermerik gabe espetxera bidali zuen sua eragitea egotzita atxilotu zuten 27 urteko alemaniarra. Gazte alemaniarra sua piztu zen gunean atxilotu zuten eta poliziei aitortu zien sutea nahi gabe eragin zuela. Azaldu zuenez, mendian kaka egin ostean garbitzeko erabili zuen paperari su eman zion, eta horrek eragin ei zuen sutea. Gizonari zuhurtziagabekeria astunagatik baso-sutea eragitea leporatu diote.
Asteazkenetik darama piztuta suteak, eta 4.000 hektarea baino gehiago kiskali ditu dagoeneko.
/span>
Albiste gehiago gizartea
Galizia sute aktiborik gabe, lehen aldiz abuztuan
Eguraldiaren aldaketak eta suhiltzaileen lanek lagundu dute komunitatean ziren sute handiak kontrolatzen.
Motorzale bat larri zauritu da N-634 errepidean, Deban, auto baten aurka talka eginda
Istripua arratsaldeko 20:15ean gertatu da, eta zauritua Donostia Ospitalera eraman dute anbulantzia batean, larri zaurituta.
Gernika-Palestinak lapiko-protestak deitu ditu irailaren 5erako, Gazako egoerak okerrera egin duela-eta
Kontzentrazioak 19:00etan izango dira, Hego Euskal Herriko udaletxeen aurrean. Merkataritza harremanak eteteko eta Israel isolatzeko zigorrak martxan jartzeko eskatu du.
Bilboko Udalaren bertsioa gezurtatuz, Kai Nakai, Maren eta Olatz Salvadorrek ziurtatu dute soilik lehenari egin ziotela agertoki alternatiboaren eskaintza
Itziar Urtasun zinegotziak esan du plaza Biribilean aritzea proposatu ziela, eta artistak izan zirela eskaintzari "uko" egin ziotenak.
200 komunikazio-profesionalek prentsaren aurkako Gazako sarraskia salatu dute Iruñean
Gazteluko plazan bildutako profesionalek manifestu bat irakurri dute hiru neurri nagusi eskatzeko: kazetarien eta hedabideetako langileen aurkako erasoak berehala bertan behera uztea; hilketa bakoitzari buruzko nazioarteko ikerketa independenteak irekitzea; eta kaltetutako lurralde guztietan prentsak, tokikoak zein nazioartekoak, askatasunez zirkulatzeko eta lan egiteko berme eraginkorrak ematea.
Tenerifen porturatutako Open Arms "negreroen" itsasontzia "konfiskatzea eta hondoratzea" eskatu du Abascalek
Fernando Clavijo Kanarietako presidentearen ustez, Voxeko buruzagiaren adierazpenak "benetako faxista" batenak dira.
Bilboko Udalak dio Kai Nakai, Maren eta Olatz Salvadorri eskaini ziela plaza Biribilean aritzea, baina haiek "ezetz" esan zutela
Montaketak, Abandoibarreko agertokia muntatzeaz arduratzen den enpresa, zigortuko dute kontratuaren % 10arekin (8.250 euro), ez diote emakida 2026rako luzatuko eta kalte-galerak eskatuko dituzte.
Gizon baten gorpua aurkitu dute Santurtziko portuko uretan
Herritar baten abisua jaso ondoren, Bizkaiko Foru Aldundiko suhiltzaileak, Ertzaintza, Santurtziko Udaltzaingoa eta anbulantzia medikalizatu bat bertaratu dira. Suhiltzaileek uretara salto egin dute gizona ateratzeko, baina bertan zegoen medikuak pertsona horren heriotza baieztatu du.
Etxera bidean dira uda Euskal Herrian igaro duten Ukrainako 95 haurrak
Autobusez abiatu dira Iruñetik, Irundik, Arrigorriagatik eta Gasteiztik. Hiru eguneko bidaia eta milaka kilometro dituzte aurretik. Txernobilgo istripuaren ondoren erradiaziotik ihes egiteko Euskal Herriko familiekin etortzen hasi ziren, baina orain gerratik aldentzea ere lortzen dute, bi hilabetez bada ere.
Maria Chivite: "Ez da gauza bera Israelen alde egotea eta Israelgo taldea izatea"
Maria Chivitek gaitzetsi ditu Espainiako Itzulian Israel-Premier Tech Israelgo taldearen aurkako protestak. Nafarroako Gobernuko presidenteak argi adierazi du bere iritzia: "Ez da gauza bera Israelen alde egotea eta Israelgo taldea izatea".