Ertzain bat eta bikotekide ohia ikertzen ari dira iruzur bat argitzeko
Diru-sarrerak Bermatzeko Errenta (DBE) jasotzeko iruzur egin dutelakoan, Ertzaintzako agente bat eta horren bikotekide ohia ikertzen ari dira, Eusko Jaurlaritzako Segurtasun Sailak baieztatu duenez.
Baliabide ekonomiko nahikoa ez duten pertsonei ematen zaien diru-laguntza hori Lanbide euskal enplegu zerbitzuak kudeatzen du 2012tik. Duela aste batzuk jaso zuen Lanbidek horren berri, Ertzaintzak berak txosten bat bidali zionean, El Correo egunkariaren arabera.
Oraindik ikertzen ari diren ertzain horren emazte ohia langabezian zegoen eta, Ertzaintzaren ustez, hilero 700 euroko diru-laguntza jasotzeko dibortziatu ziren. Dibortziatu ondoren, baina, agenteak Bilbon duen etxebizitza batean elkarrekin bizitzen jarraitu zuten biek, Ertzaintzaren arabera, nahiz eta agentea Barakaldoko etxebizitza batean bizi den ofizialki, bertan baitago erroldatua ordutik. Ertzaintzak egun eta ordu ezberdinetan baieztatu ahal izan zuenez, baina, agentearen "ohiko etxea" Bilbokoa da.
Ikerketa horren bidez jakin dutenez, guztira ia 40.000 euro jaso ditu bikoteak horrela azken lau urteotan. Enplegu Sailaren mendeko erakunde horren esanetan, baina, 2003 eta 2011 bitartean ere jaso zituen bikoteak diru-laguntzak, Bizkaiko Foru Aldundiak egindako ikerketa baten ondorioz diru-iturri hori kendu zioten arte.
Zure interesekoa izan daiteke
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusek Gipuzkoako Mugi txartela onartuko du gaurtik aurrera
Horrela, hiru lurraldeetako erabiltzaileek ohiko txartelarekin Bizkaian mugitzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.