Bizitzeko baldintzak dituen planeta bat aurkitu dute
Nazioarteko astronomo talde batek bizitzeko baldintzak eskaintzen dituen planeta bat aurkitu du espazioan. Lurraren pareko planeta bat da, eta Eguzkiaren antzeko beste izar baten inguruan orbitatzen du. Astronomo talde horren arabera, planeta arrokatsu horrek azalean ur likidoa izateko kokapen eta tenperatura egokiak izan ditzake.
Proxima B izena jarri diote, eta eguzki-sistemaz kanpo bizitzeko baldintzak dituzten planeta guztietatik Lurretik hurbilen dagoena izan liteke. Proxima Centauri izarraren inguruan orbitatzen du, eta hamaika egun behar ditu Lurretik gertu dagoen nano gorri horren inguruan buelta oso bat emateko. Proxima Centauri izarra Centaurus konstelazioan dago, eta beste bi izar ditu ondoan, askoz ere distiratsuagoak.
Proxima B planeta, Proxima Centauri izarraren inguruan biran. Ilustrazioa: ESO/M. Kornmesser
Astronomoek 2013. urtean aurkitu zituzten planeta berriaren lehen zantzuak, baina arrasto horiek ez ziren sendoak. Hiru urte geroago, European Southern Observatory (ESO) taldeko astronomoek Proxima B begiztatzea lortu dute, eta, punta-puntako teleskopio handi batzuei esker, behaketa hobeak egin ahal izango dituzte aurrerantzean. Alde horretatik, aurkikuntza horren garrantzia azpimarratu dute astronomoek, unibertsoko beste eremu batzuetan bizitzarik ote dagoen aztertzen lagundu dezakeelako.
Planeta berria aurkitu duen astronomo taldeko kideetako batek, Cristina Rodriguezek, aurkikuntza hori baieztatu du. Horren esanetan, baina, Lurretik 4,2 argi-urtera (40 bilioi kilometro) dago, eta orain arte espazio-ontzi batek inoiz hartu duen abiadura handienean (60.000 km/h), 75.000 urte beharko lirateke bertara heltzeko.
Era berean, Rodriguezek adierazi du mota horretako aurkikuntza garrantzitsuek herritarren irudimena handitzen dutela. Planeta berri horretan bizitzeko baldintzak egon arren, bertako bizitza ez litzatekeela egun ezagutzen dugun mundukoa bezalakoa izango gaineratu du. Dena den, azalean ur likidoa izateko baldintzak bete ditzakeela azaldu du.
Albiste gehiago gizartea
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.