Urkullu salatu dute, etxetik botatako emakume bat iraintzea egotzita
Euskadiko kaleratzeen aurkako plataformek Iñigo Urkullu lehendakariaren aurkako salaketa jarri dute Gasteizko epaitegian, etxetik bota zuten emakume bat laguntza sistemaz baliatu dela eta haren datu pertsonalak publiko egin izana leporatuta.
Joan den astean, Alokabidek emakume bat eta haren seme-alabak etxetik kaleratu zituen Gasteizen. Gertakari horren harira, lehendakariak ETBko hauteskunde-eztabaidan esan zuen emakume horrek baliabide ekonomikoak bazituela, baina, hala ere, “uko” egin ziola ordaintzeari “laguntza sistemaz aprobetxatu” zela.
Adierazpen horiekin Urkulluk emakumeari “irain” egin ziola salatu dute aipatu plataformek.
Horrez gain, EAJren lehendakarigaiak emakume horren datu pertsonalak publiko egin izana salatu dute: “Datu horiek Alokabidek, Gasteizko Udalak eta lehendakariak soilik jakin ditzakete”.
Alvaro Val Kaleratzeak Stop elkarteko kidearen esanetan, “informazio eta sekretu ezagutarazte delitu baten eta irain delitu baten aurrean egon gaitezke”. Ildo horretan, lehendakariari barkamena eskatzeko eta datu pribatuak publiko ez egiteko konpromisoa hartzeko galdegin dio.
Salaketa jartzerakoan, Anastasia, etxetik botatako emakumea, ere bertan zian da. Urkulluren “enpatia falta” kritikatu du eta bizi duen egoera zaila azaldu du, familia ugari eta gurasobakar baten ardura duelako.
Kaleratzeen kontrako plataformen arabera, lehendakariak hanka sartu du Anastasiaren izenari kalte egin dio iritzia emanda eta ezertaz ezagutzen ez duen pertsonari epaituta.
Kaleratzeak Stop elkartarentzat “onartezina” da, agintari publiko batek, bere karguaz baliatuta, telebista publiko batean, Alokabideren kudeatzea defendatzeko, familia ahul baten kontra egin izana, “gizarte politiken porrota justifikatzeko”.
ustifikatzeko”.Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.