Zezenketen inguruan Donostian egin beharreko kontsulta, bertan behera
Donostiako Administrazioarekiko Auzien 2. Epaitegiak bertan behera utzi du Donostian, otsailaren 19an eta Udalak deituta, zezenketen inguruan egitekoa zen galdeketa.
Espainiako Gobernuak EAEn duen Ordezkaritzak, Estatuko Abokatutzaren bidez, helegitea aurkeztu zuen deialdiaren aurka, eta epaitegiak onartu egin du, galdeketak "Toki-araubidearen oinarriak arautzen dituen Legea" errespetatzen ez duela argudiatuta.
Udalak uztailaren 14an adostu zuen galdeketa egitea, herri-galdeketak egiteko araudian jasotakoari men eginez. Aitzitik, araudi hori baliogabetu zuen EAEko Auzitegi Nagusiak. Erabaki horren kontra helegitea aurkeztu zuen Donostiako Udalak, eta, horrenbestez, EAEko Auzitegi Nagusiaren ebazpena irmoa izan arte, "indarrean" dagoela uste du.
Eneko Goia Donostiako alkatearen aburuz, "ezkorra" eta "zentzugabea" da galdeketa bertan behera uztea.
CONTENIDO NO ENCONTRADO
Autoa
Epaileak ez du auziaren muina aztertu, eta tartean 'pediculum in mora' edo berandutzeko arriskuaren printzipioa dagoela argudiatu du. Hau da, epailearen ustez, pentsatzekoa da galdeketa egiten den egunerako "ebazpen irmorik ez egotea", eta, beraz, Administrazioarekiko auziaren prozesua "berandutzeko arriskua" egotea.
Epaitegiak nabarmendu duenez, galdeketa bertan behera utzita, "ez zaio interes orokorrari edota hirugarren baten interesari kalte handirik egiten", eta hura baimenduta, berriz, galdeketaren kontrako "helegitearen helburu legitimoa" galduko litzateke.
Urquijoren adierazpenak
Erabaki horrengatik, Carlos Urquijo Espainiako Gobernuak EAEn duen ordezkariak gogor kritikatu du Eneko Goia buru duen erakundea. Ohar baten bidez adierazi duenez, Udalak ez dio legeari jaramon egin. Izan ere, horren ustez, galdeketa ezingo da egin "auziaren funtsa argitzen duten arte".
Urquijoren esanetan, "burugabekeria" horren "erantzule bakarra" Donostiako Udala da, herri-galdeketak egiteko araudia behin-behinean baliogabetuta egon arren deialdiari eustea erabaki zuelako, "Legea aintzat hartu gabe".
Espainiako ordezkariaren iritzian, "eztabaida zentratu egin behar da, hutsaldu ez dadin". Horren ustez, auzi honetan "kontua ez da zezenketen kontra edo alde egotea, baizik eta herritarren ordezkariek Zuzenbide Estatua errespetatzea beti, ez nahi dutenean bakarrik".
Albiste gehiago gizartea
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.
Bilboko Konpartsetako 13 txosnak ez dute Coca-Cola salduko Palestinako herriari elkartasuna adierazteko
Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartelek ez dute produktu hori salduko.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).
Gallartako ostalaritza-lokal bateko jabeak eta zerbitzaria atxilotu dituzte, droga-trafikoagatik
Lokalaren eta atxilotuen etxebizitzetako erregistroetan, ia 200 gramo kokaina, MDMA dosiak, haxix-bolak eta tabletak, droga pisatzeko eta dosifikatzeko beharrezko tresnak, gama altuko bi ibilgailu eta 411 000 euro atzeman ditu Guardia Zibilak.
Aretxabaletako osasun etxe berriak datorren astelehenean irekiko ditu ateak
Eusko Jaurlaritzak 5 milioi euro inguruko inbertsioa egin du 21 kontsulta eta lau solairu izango dituen zentro berria eraikitzeko. Berritasun gisa, lau solairuetako bat gizarte zerbitzuetara eskainiko da.
Euskadin bizi diren 16 eta 85 urte bitarteko emakumeen ia erdiak indarkeria matxista motaren bat jasan du noizbait
Indarkeria matxistari zifrak jarri dizkio Eusko Jaurlaritzak egindako inkesta batek, eta ondorio nagusia argia da: indarkeria matxista presente dago EAEn bizi diren emakumeen bizitzetan eta egunerokoan, bikote-, familia-, lan- edo hezkuntza eremuan, ez ezik, ingurune birtualean ere.