Hassanna Aalia sahararrari errefuxiatu politiko izaera aitortu diote
Auzitegi Nazionalak errefuxiatu politiko izaera aitortu dio Hassanna Aalia ekintzaile sahararrari, asiloa eskatu eta bost urtera. Erabakia ez da irmoa, baina "garaipen kolektibotzat" jo du Aaliak.
Jasotako babesaren nondik norakoak azaltzeko prentsaurrekoa eskaini du Aaliak berak Bilbon, Javier Canivell abokatua eta Patricia Barcena CEAR Euskadi erakundeko zuzendaria ondoan zituela.
Pozik agertu da ekintzaile sahararra, "bost urteko lanaren ostean" lortutako "garaipen kolektiboagatik". Jasotako laguntzagatik eskerrak eman dizkie bidelagun izan dituen abokatu, gobernuz kanpoko erakunde, erakunde eta herritarrei.
"Ikaragarria da sindikatuek, alderdiek, erakundeek eta milaka lagunek babesa ematea, hunkitu egin nau. Eurek gabe, oso zaila zatekeen", esan du. Aaliaren berbetan, "garaipena ez da nirea bakarrik; garaipen kolektiboa da, saharar herriarena ere bai, baita zigor oso gogorrak betetzen ari diren preso politiko sahararrentzat".
Dena dela, garaipena "preso politiko guztiak kartzelatik irteten direnean eta herrialde guztietako errefuxiatuek libre bizitzeko leku duin bat dutenean" ospatuko duela azpimarratu du.
Auzitegi Nazionalaren erabakiaren kontrako helegitea aurkezteko aukera du orain Espainiako Gobernuak. Halakorik ez egitea espero du Aaliak, baina kasu horretan ere "borrokan" jarraituko duela berretsi du.
Ez da ohikoa babesa ematea
Patricia Barcena CEAR Euskadiren zuzendaria ere pozik azaldu da epaiarekin, eta eskerrak eman dizkie Aaliari "babesa eta elkartasuna" eskaini dioten erakundeei eta taldeei.
Javier Canivell ekintzaile sahararraren abokatuak gogorarazi duenez, "tamalez, ez da ohikoa sahararrei babesa eskaintzea", eta, beraz, Aaliarena "berri bikaina da".
Marokoko auzitegi militar batek bizi osorako zigorra ezarri zion Aaliari, Gdeim Izik sahararren kanpalekuko protesta baketsu batean parte hartzeagatik. Epaiketak berme nahikorik izan ez zuela eta ekintzailea torturatu egin zutela salatu dute nazioarteko zein Espainiako Estatuko erakundeek.
Aalia 2011n heldu zen Bilbora, ikasketa beka batekin. Euskal Herrian zela, bera bilatzeko eta atxilotzeko agindua eman zuen Marokok. Aaliak asiloa eskatu zuen, baina Barne Ministerioak ukatu egin zion. Auzitegi Nazionalak, ordea, bertan behera utzi zuen, behin-behinean, ekintzailea Estatutik kanporatzeko agindua, eta duela bi egun jakinarazi dio errefuxiatu izaera aitortu diotela.
Auzitegi Nazionalak epaian jaso duenez, "Barne Ministerioaren ebazpena ez da Zuzenbidearen araberakoa". Horren ustez, "Hassanna sahararren auzian giza eskubideen alde ari den ekintzailea da, eta torturak, irainak eta legez kanpoko atxiloketak jasan ditu, eta Marokora bidaliz gero, arrisku bizian legoke".
Albiste gehiago gizartea
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.