Sanferminetako bortxaketako auzipetuetako bat, Sevillan ikertua
Joan zen sanferminetan gertatu zen bortxaketan parte hartzeagatik auzipetuta dagoen gizonezkoetako bat Sevillan, Dos Hermanaseko El Copero base militarretik gertu, egindako beste sexu eraso batean parte hartu ote zuen ikertu du Poliziak.
Zentzu horretan, Iruñeko 4 zenbakiko instrukzio epaitegiak gaur ezagutzera eman den auto batean jasotzen duenez, hedatu egin du sanferminetan taldean egindako bortxaketagatik Iruñeko Udaltzaingoak irekitako argiketa, Dos Hermanasen izandako ustezko sexu eraso bati buruzko jakinarazpena jaso ostean.
El Coperon ziharduen armadako kide batek eman zuen ustez duela sei urte egindako gertaeraren berri. Izan ere, Iruñeko argazkiak ikusi ostean, auzi horregatik atxilotuta dagoen eta 2010ean base berean lan egiten zuen guardia zibila identifikatu zuen, urte hartako pasarte bat gogoratzeaz gain. Pasarte horren arabera, neska bat base militarretik gertu esnatu zen lagun batzuekin batera jai batean parte hartu eta gero. Neskak ez zuen ezer gogoratzen, eta buruko mina eta hanketako mina zuela esnatu zen; gainera, bere gauzak lapurtu zizkiotela zioen, baina ez zuen salaketarik jarri nahi izan.
Testigantza horretan oinarrituta, Iruñeko instrukzio epaitegiko epaileak prozedura bat ireki zuen, besteak beste, neska identifikatu eta aurkitzeko. Orain, baina, Dos Hermanaseko auzitegiaren alde inhibitzea adostu du kasu horretan, eta bertara igorriko ditu egindako jarduerak.
Aldi berean, iturri judizialek adierazi dutenez, Dos Hermanasen salaketa artxibatu egin dute behin-behinean, "zehaztasun gutxi zuelako eta ez zekitelako nor zen biktima, ezta non zegoen ere; horrez gain, ez zegoen argi gertakariak delitu izan zitezkeen ala ez". Auzi horren harira datu berri adierazgarriren bat agertuko balitz, berriro ikertzeari helduko diote.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.