Sanferminetako bortxaketan auzipetuetako batek 'babesik eza' salatu du

Iruñean joan den uztailaren 7an gizon talde batek 18 urteko emakume bat bortxatu zuela eta ikertzen ari diren bost sevillarretako batek Instrukzioko 4 zenbakiko epaileak auziaren instrukzioa ixteko “erakutsi duen presa” salatu du, eta “Zuzenbide Estatu bati dagokion defentsa duina gauzatzeko aukerarik izan ezean”, auziak “prozesu inkisitorial baten antza handia” izango duela gehitu du.

J.E.D. deritzon gizonaren abokatuak, Luis Romerok, epaitegira helarazi duen idatzia urriaren 17an instrukzio epaileak autoa itxitzat emateko idatzi zuenaren aurkako helegitea da, bertan jasotzen denez, bera ikertuaren abokatu gisa pertsonatu zen egun berean kaleratu baitzuen epaileak bere idatzia, “jardueren kopia aldatu aurretik”.

Horren ildotik, legelariak adierazi duenez, “epaileak ondo baino hobeto daki abokatu guztiok gutxieneko denbora bat behar dugula jarduerak jasotzen dituzten ehunka orriak ikasteko, epaitegiak kopia gisa aldeei ukatu dien bideoak ikusteko eta, azkenik, instrukzioaldian zer froga-eginbide proposatuko diren erabakitzeko”.

Hori guztia dela eta, “erabat babesgabe” ikusten du bere bezeroa, are gehiago egozten dizkioten “delituen larritasuna” kontuan hartuta eta “dagokienean aldeek eskatuko dituzte zigor handien aurrean”.

“Presa”

“Hain zuzen ere, horregatik ez dugu epailearen presa ulertzen, nahiz eta auzipetuak askatasunik gabe egon; izan ere, Zuzenbide Estatu bati dagokion defentsa duina onartzen ez bazaie, auzi honek antza handia izango du prozesu inkisitorial batekin”, dio Luis Romerok erreforma errekurtsoan.

Horrez gain, epaileak beste defentsek eskatutako hainbat “froga-eginbide egoki” onartu ez izana ere kritikatu du, eta beroriek egitea eskatu du berriz, “benetan gertatu zena eta salaketa jarri zuen pertsonaren inguruko beste datu batzuk argitzeko balioko baitute”.

Abokatuaren eskaeren artean psikiatra batek eta Auzitegi Medikutzako katedradun batek salaketaren egilea aztertzea daude.