Bizkaiko Auzitegiak ez du Ugarteko auzipetuko 'Cabacas' kasuan
Bizkaiko Auzitegi Probintzialak baztertu egin du 'Cabacas' auziaren barruan Ugarteko izeneko ertzainburua auzipetzea. Ugarteko izan zen 2012ko apirilean 5ean Bilbon izan zen Ertzaintzaren operatiboa zuzentzearen ardura izan zuena, eta operatibo horretan Iñigo Cabacas gazteak gomazko pilota baten kolpea jaso eta horren ondorioz hil egin zen.
Modu horretan, Ana Torres instrukzio-epaileak hartutako erabakia berretsi du. Torresek uko egin zion aipatu ertzainburua auzipetu gisa deitzeari, eta, horren aurrean, Cabacas sendiko abokatuak erabaki hori errekurritu egin zuen.
Gara egunkariak larunbat honetan plazaratu duenez, Auzitegi Probintzialak honako eskari hauek ere baztertu egin ditu: batetik, egunkari batean euren zenbait lankidek "gezurra esan" zutela adierazi zuten ertzainei berriro deklarazioa hartzea; bestetik, bideo-grabazioen eta audio-grabazioen artean bi minutuko aldea zergatik dagoen aztertzea.
Iñigo Cabacasen familiak Ugarteko deitzea eskatu zuen; izan ere, auzipetuta dagoen arduradunetako batek instrukzio-epailearen aurrean adierazi zuenaren arabera, hura izan zen egun horretan aginduak eman zituena, eta, grabazio batean jasotzen denez, Ugartekoren aginduei jarraiki eta bere "irizpidearen kontra" jokatu zuen arduradun horrek.
Ana Torresen zein Bizkaiko Auzitegiaren aburuz, "ikertzeko arrazoi bakarra egintzaren egile zuzena nor izan zen aurkitzea da". Euren esanetan, "Ugartekok jarduera bakoitzera bertaratzen diren baliabideak koordinatzen ditu, baina kalean dagoen arduradunari dagokio egoera bakoitza kudeatzeko egokiak diren erabakiak hartzea".
Aitzitik, Bizkaiko Auzitegi Probintzialak onartu egin du gertakaritik gertu eta kaleko jantzita zeuden bi ertzain lekuko gisa deitzea.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.