Garoña behin betiko ixtea eskatu dute Bilbon eta Gasteizen
Burgosen dagoen Garoñako zentral nuklearraren aurkako Foroan sartuta dauden ordezkari politikoek eta gizarte eragileek zein ekologistek hura "behin betiko itxi" dadila eta "desegin" dezatela aldarrikatu dute gaur, eta EAJ eta PSE alderdiei eskatu diete horrela eska diezaiotela Madrilgo Gobernuari ere.
Bilbon egin duten protestan, Marta Castro Foro horretako bozeramaileak Eusko Jaurlaritzari eskatu dio zentralaren itxieraren auzia Madrilgo Gobernuarekin dituen negoziaketetako "gai nagusi eta utziezina" izan dadila.
Castrok salatu duenez, zentrala beharrezkoa ez izateaz gain, arriskutsua ere bada "Bilbotik 60 kilometrora baitago eta Ordunteko (Burgos) urtegirik 37 kilometrora besterik ez, eta Bizkai guztiak bertatik edaten du", eta, "2012tik geldituta dago", gaineratu du.
Ildo horretatik, lurraldeko politikari eta erakundeen “inplikazio urria” salatu du, euskal gizarte babeste aldera, eta gaitzetsi egin du Eusko Legebiltzarraren osoko bilkuratik sozialistek Garoñaren aurka aurkeztutako mozio bat baztertu izana.
Segurtasun Nuklearreko Kontseiluak (CSN) atzo jaso zuen Garoñako zentral nuklearraren esplotazio lizentzia berritzeari buruzko txosten teknikoa. Dokumentu horretan, Nuclenorren proposamena jasotzen da; alegia, zentral nuklearra berriro ireki, eta 60 urtez martxan izatea, baldin eta jabeek (Endesa eta Iberdrola) segurtasuneko hobekuntza batzuk egiten badituzte.
Gasteizen ere, protestak
Gasteizen ehun bat pertsona bildu dira Garoñaren itxiera eskatzeko, "hura berriro irekitzeko dagoen arriskuaren aurrean".
Arabako hiriburuko protestak ere Garoñaren aurkako Foroak deituta egin da, eta, salatu duenez, Espainiako Gobernuak Garoña ustiatzeko baimena beste 17 urtez "luzatzeko asmoa" dauka, zentralak 60 urte bete arte.
"Dirudienez, batzuentzat, Txernobyl eta Fukushima adibideak ez dira nahiko energia nuklearrarekin behin betiko amaitzeko", ohartarazi dute kolektibotik.
Zure interesekoa izan daiteke
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.