Ziberbullyinga prebenitzeko aholkuak
Ziberbullyinga, hau da, teknologia berrien bidez egindako eskola jazarpena, nerabeek aurre egin behar duten mehatxu nagusietako bat da.
Kelisto.es webgunearen arabera, Espainiako Estatuan gazteen % 21ek pairatu dute ziberbullyinga. Gero eta gazteago gertatzen zaie, gainera, umeek 10 urterekin jasotzen dutelako lehen smartphone edo telefono adimentsua.
Aipatutako webguneak honako aholkuak publikatu ditu jazarpen digitala prebenitzeko:
- Internetera konekta daitezkeen gailuak identifikatu (ordenagailuak, telefonoak, kontsolak...).
- Gailu horiei pasa-hitzak jarri, adingabeen sarbidea kontrolatzeko.
- Gurasoen kontrol sistemak aktibatu.
- Zenbait kontu sortu, batik bat ordenagailuetan, gurasoak administratzaileak izan daitezen, eta seme-alabek baimen mugatuak izan ditzaten.
- Internet modu seguruan erabiltzeko aholkuak eman seme-alabei, hala nola informazio pertsonalik ez ematea eskatzea.
- Musikaren eta bideoen deskargak mugatzea, malware ugari egon baitaiteke artxibootan.
- Txatetan, benetako izena ez erabili, eta ez eman datu pertsonalik.
- Sare sozialetan sartzeko 14 urtekoak izan behar dira nerabeak. Gurasoek seme-alabekin batera konfiguratu beharko lukete haien profilak, eta ezezagunen adiskidetze eskaerak ez onartzea gogorarazi.
- Sare sozialetan engainu baten edo indarkeriaren biktima izanez gero, Segurtasun Indarrengana jo.