Chrysallisek Hazte Oir salatu du Madrilgo epaitegietan
Chrysallisek (Adingabe Transexualen Familien Elkartea) Hazte Oir elkartearen aurka salaketa aurkeztu du Madrilgo Instrukzio Epaitegietan "adingabe transexualen aurka egiten ari den gorroto kanpaina" dela-eta.
Chrysallisen aburuz, elkarte ultrakatolikoak martxoaren 3an kaleratutako autokarabanak, "Neskek bulba al dute? Mutilek zakila al dute?" mezua igortzen duenak, ukatu egiten du adingabe transexualen nortasuna.
Chrysallis bat dator Madrilgo Lurralde Fiskaltzarekin; izan ere, horien iritzian, Hazte Oir elkarteak hasiera batean autobus baten bidez zabaldu zituen mezuek ("Mutilek zakila dute. Neskek bulba dute. Ez zaitzatela engainatu. Gizon jaiotzen bazara, gizona zara. Emakumea bazara, hala izaten jarraituko duzu") diskriminazioa sustatu eta pertsonen duintasuna urratzen dute bere sexu-nortasunarengatik.
Chrysallisen ustez, autokarabanaren mezuak autobusak igortzen zituenen jarraipen hutsa dira, eta Chrysallisek EAEn eta Nafarroan zabaldu zuen lelo "integratzaile eta ez diskriminatzailea"ri aurka egiteko kanpaina besterik ez da.
Chrysallisek martxoaren 3an aurkeztutako salaketan jasotzen denez, Hazte Oir elkartearen kanpainak adingabe transexualak gutxiesten ditu, "publikoki umiliatu eta mespretxatzen ditu, jaiotzen direnean sexu-organoak aintzat hartuta esleitzen zaien sexuarekin bat ez datorren sexu-nortasuna duten pertsonen taldekoak izategatik".
Chrysallisen arabera, delitutzat jotzen diren eta Zigor Kodearen 510. artikuluak jasotzen dituen jarrerak izan ditu elkarte ultrakatolikoak. Izan ere, Chrysallisek azaldu duenez, hainbat haur transexualek zenbait eraso jasan dituzte, "kasualitatez" Hazte Oir elkarteak kanpaina abiatu ostean; eraso horietako batean, "ikastetxe batean, zenbait klasekidek prakak jaitsi dizkiote haur transexual bati".
Bestalde, adingabe transexualei erakutsitako babesa eskertu nahi izan du Chrysallis elkarteak, eta horien eskubideen alde "indar gehiagorekin borrokatzen" jarraituko dutela gaineratu du.
Albiste gehiago gizartea
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.