Zubietako erraustegia eraikitzeko lanak, abian
Hondeamakinek egunak daramatzate Zubietan (Donostia, Gipuzkoa), baina asteazken honetan abiatu dituzte ofizialki Hondakinak Kudeatzeko Zentroa (erraustegia izango du bere baitan) eraikitzeko lanak. Goizean, Markel Olano Gipuzkoako ahaldun nagusia, Jose Ignacio Asensio Ingurumen diputatua eta erraustegia eraikiko duen aldi baterako enpresa taldeko ordezkariak Donostiako auzoan izan dira lehen harria jartzen.
Dena ondo bidean, 2019ko udazkenean izango da martxan erraustegia. 217 milioi euroko aurrekontua izango dute lanok. Dirutza enpresek jarriko dute, baina, ondoren, 768 milioi jasoko dituzte planta 32 urtez kudeatzeagatik.
Markel Olano Gipuzkoako ahaldun nagusiak ekitaldian esan duenez, lanen hasierak amaiera eman dio hondakinen inguruan zegoen "eztabaida amaigabeari" eta, batez ere, EH Bilduk foru gobernuan emandako lau urteetan (2011-2015) ezarritako "paralisiari".
Olanok berak jarri zuen erraustegiaren lehen harria 2011n, eta asteazken honetan ere bera izan da bigarrenez hasi duten azpiegitura honen ekitaldi ofizialaren buru. Aurrekoan ez bezala, kontzesio bidez egingo dituzte lanak eta kudeatuko dute erraustegia.
"Gaurtik aurrera, eztabaida amaigaberik gabeko lurraldea izango da Gipuzkoa. Aurrera atera gara, herritarren gehiengoaren erabakiari erantzunda eta hauteskundeetan herritarrek agindutakoa betez", adierazi du Markel Olanok.
"Pozik" agertu da Gipuzkoako ahaldun nagusia, "hemendik bi urtera, legealdi amaieran" erraustegia martxan egongo delako.
Olanok eta Jose Ignacio Asensio Ingurumen diputatuak nabarmendu dutenez, hondakinak kudeatzeko planta "oso aurreratua izango da teknologikoki", bai eraginkortasunaren alorrean, zein ingurumenari dagokionez. Haien hitzetan, Estatuan bakarrak diren errekuntza gasak arazteko sistemak izango ditu azpiegiturak, araudiak ezarritako isurketen mailatik behera kokatzeko.
Aldundiko ordezkariak eta lanak egingo dituen enpresa-taldearen buruzagiak, Zubietan. EFE
Protestak
Protesta artean hasi dira lanok. Izan ere, amore emango ez dutela nabarmendu dute erraustegiaren kontra daudenek. Zubietatik oso gertu, elkarretaratzea deitu du Erraustegiaren Aurkako Mugimenduak gaurko. 100 bat pertsona bildu dira Merkabugati parean azpiegituraren kontra egindako protestan. EH Bilduko eta Podemoseko batzarkideak ere izan dira kontzentrazioan.
Ehunka pertsona bildu dira Zubietako erraustegiaren lanen kontra egindako protestan. Argazkia: EFE
Bestalde, GuraSOSek iragarri duenez, lanak abiatu badituzte ere, "borroka ez da amaitu". Hala, Zubietako erraustegiaren finantzaketan eragiten saiatuko direla jakinarazi dute, proiektua geldiarazteko. Horretarako, Meridiam Investments inbertsio taldeari eta Eskandinaviako familiei zuzendutako "presio" kanpaina abiatuko dute, Meridiam taldeak Eskandinaviako pentsio funtsetatik ateratako diruarekin finantzatuko baitu errauste plantaren zati bat.
"Akordioak inposaketen aurrean"
EH Bildu eta Podemos-Ahal Dugu alderdiak Zubietako erraustegiaren lanen kontra egindako elkarretaratzean izan dira asteazken honetan. “Herritarrei entzun diezaion” eta hondakinen kudeaketaren inguruan “inposizioa alde batera utzi eta akordioak bilatu” ditzan eskatu diote Gipuzkoako Foru Aldundiari.
Xabier Olano Gipuzkoako Batzar Nagusietako EH Bilduko bozeramailearen esanetan, Zubietako erraustegiaren lanen hasiera “oso albiste txarra da gipuzkoarrentzat”. Ildo horretatik, Gipuzkoako Foru Aldundiak “herritarren etorkizuna hurrengo 35 urteetarako hipotekatuko duela” salatu du. Halaber, hondakinak kudeatzeko beste eredu “garbiagoak, osasuntsuagoak eta merkeagoak” daudela azpimarratu du.
EH Bilduren bozeramailearen hitzetan, lan horiek burutzea eta “erraustegiaren eraikuntzarekin tematzea arduragabekeri politikoa da”. Ildo horretatik, herritarrak “behin eta berriro proiektu horren kontra” agertu direla nabarmendu du, eta “irtenbidea herritar guztien artean bilatu” behar dutela esan du. Arrazoi horregatik, irtenbide bat bilatzeko eskua luzatu dio Aldundiari.
Gauzak horrela, EH Bilduk bere babesa eta elkartasuna adierazi die elkarretaratzean parte hartu duten herritarrei. Era berean, gipuzkoarren nahia entzun dezan eskatu dio EAJri.
CONTENIDO NO ENCONTRADO
Bestalde, herritarrei hondakinak kudeatzeko bestelako ereduen nondik norakoak azaldu behar dizkiola esan dio Podemos-Ahal Duguk Gipuzkoako Foru Aldundiari. Halaber, herri galdeketa baten bidez gipuzkoarrek eredu bat aukeratu beharko luketela erantsi du.
Monica Mora eta Maria Valiente alderdi horretako batzarkideak Zubietako erraustegiaren kontrako protestan izan dira. Haien esanetan, herritarren nahia ez dela entzun esan nahi du lanen hasiera horrek, eta akordio zabala bilatzeko eskaera egin dute.
Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.