Zubietako erraustegiaren finantzaketan eragiten saiatuko da GuraSOS
GuraSOS plataformak gaur iragarri duenez, Zubietako erraustegiaren finantzaketan eragiten saiatuko da, proiektua geldiarazteko. Horretarako, Meridiam Investments inbertsio taldeari eta Eskandinaviako familiei zuzendutako "presio" kanpaina abiatuko du, plataformaren esanetan, Meridiam taldeak Eskandinaviako pentsio funtsetatik ateratako diruarekin finantzatuko baitu errauste plantaren zati bat.
Joxe Mari Izeta GuraSOSeko presidente eta Joseba Belaustegi bozeramaileak hurrengo hilabeteetarako ekimenak aurkeztu dituzte gaur Donostian egin duten prentsaurrekoan. Errauste planta eraikitzeko lanak asteazkenean hasiko badituzte ere, borroka ez dela amaitu nabarmendu dute.
Belaustegik ziurtatu duenez, erraustegia eraikiko duen aldi baterako enpresa-elkarteak Ekondakin izeneko sozietatea sortu zuen erraustegiaren finantzaketaz, eraikuntzaz eta esplotazioaz (35 urte) arduratzeko. Ekondakin taldeko bazkide nagusia (% 50) Meridiam Investments taldea da, eta inbertsioa "arduratsuak" egiteko "konpromiso" eta "printzipio etikoekin" osatutako dekalogo bat du.
Plataformaren esanetan, Zubietako erraustegia egiteko diruaren zati bat "familia norvegiarrek" jarriko dute, horren jakitun ez badira ere. Zehatz-mehatz esanda, herritarrek Meridiam inbertsio taldean inbertitutako dirua erabiliko omen dute.
GuraSOSeko bozeramaileak adierazi duenez, hainbat eskutitz bidali dizkiote Meridiam inbertsio taldeari erraustegiaren proiektuak dituen "ingurumen eta zuzenbide alorretan dituen defizitak" jakinarazteko.
Bestalde, Ekondakin taldeko bigarren bazkide nagusia Urbaser (% 46) da. Ildo horretan, Urbaser enpresa ustelkeriari lotutako Lezo operazioan ikertua izaten ari dela ohartarazi nahi dio GuraSOSek Meridiam inbertsio taldeari. Plataformaren esanetan, erantzukizun penalak izan ditzake eta "disoluzio arriskua" izan dezake.
Errauste plantaren lanak geldiarazteko, Meridiam inbertsio taldeari eta Eskandinaviako familiei presioa egiten saiatuko da GuraSOS, erraustegiari "babesa" erretiratzeko.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.