Ertzaintzak zorroztu egingo du segurtasuna Guns N' Rosesen kontzertuan
Guns N' Roses rock talde estatubatuar entzutetsua "Not in this lifetime..." mundu osoko bira egiten ari da, hogei urte eta gero Axl Rose eta Slash berriro elkartu direla ospatzeko, eta Bilbok bira horretako geldialdietako bat hartuko du datorren asteartean, maiatzaren 30ean. Hitzordua San Mames futbol-zelai berrian izango da, 21:30etik aurrera.
Athletic Cluben estadio berriak hartuko duen mota horretako lehendabiziko kontzertua izango da, eta jendetza biltzen duen arrisku handiko beste hainbat ekitalditan gertatzen den legez, segurtasun neurri zorrotzak egongo dira; are gehiago, Manchesterren, astelehenean, jazotako atentatua izan eta gero, Ariana Grandek emandako kontzertuaren amaieran.
Beltran de Heredia: Ez dago mehatxu zehatzik"
Horrela, Estefania Beltran de Heredia Segurtasun sailburuak ostegun honetan adierazi duenez, Ertzaintzak "areagotu" egingo ditu segurtasun neurriak, nahiz eta ez dagoen Euskadin atentaturik izateko "mehatxu konkreturik", ezta "beharrezkoak ez diren alarmarik elikatzeko" ere.
Sailburuak azaldu duenaren arabera, egungo testuinguruan "alerta guztiei eutsi behar zaie", eta dagozkion segurtasun neurriak "hartu" jende ugari biltzen den lekuetan eta ekitaldietan, kasu honetan gertatzen den moduan.
Segurtasun neurriak
Ertzaintzak 300 agente inguru erabiliko ditu estadio kanpoko segurtasuna bermatze aldera. Antolatzaileek, berriz, segurtasun pribatua kontratatu dute, kontzertura bertaratzen diren zale guztien sarbidea kontrolatzeko, eta zelai barruan guztia normaltasunez joan dadin.
Aldi berean, Guns N' Roses taldeak ere bere segurtasun taldea dauka, eta musikariengana inor gerturatzea ekidingo dute.
Bestalde, denbora nahikoarekin bertaratzeko aholkua eman diete antolatzaileek ikusleei, estadio barrura sartzeko neurriak zorrotzak izango baitira. Poltsa guztiak miatuko dituzte, eta ezin izango da motxilarik sartu barrura.
Horrez gain, sarreretan erosleen izena agertzen denez, antolatzaileek NAN agiria erakustea eska diezaiekete musikazaleei. Gainera, sarrera bakoitzean dagoen barra-kodeak PDA bidez irakurriko dira, eta ez San Mamesera sartzeko erabili ohi diren tornuen bidez, eta horrek moteldu egin dezake jendea zelaira sartzeko prozesua.
Azkenik, beste arretaguneetako bat garraio publikoen geltokietan egongo da. Garellanoko behin-behineko autobus geltokia, zein tren geltokiak eta aireportua jendea pilatuko diren guneak izango dira, kontzertuko ikusle ugari (% 20 eta % 30 artean, antolatzaileen esanetan) kanpotik etorriko baitira. Bere aldetik, Metro Bilbaok jakinarazi du tren zerbitzu berezia eskainiko duela kontzertu ostean.
Albiste gehiago gizartea
Zeledonek baditu aterkia, zahatoa eta zapia: "Ez dugu inolako erasorik onartuko"
Maider Etxebarria alkateak "zorterik onena" opa dio Iñaki Kerejazuri. Kerejazuk bigarren urtez jarraian pertsonaia ezagunaren papera egingo du. Bere hitzaldian, alkateak jaiez "arduraz" eta "errespetuz" gozatzera gonbidatu ditu herritarrak.
Katherine Bidegaray, Montanako Auzitegi Goreneko epailea, euskal amerikar komunitatearen ordezkari boteretsuenetako bat da egun, AEBn
Behe Nafarroako familia batean sortua, haurtzaroa Ipar Dakotako mugako belardietan egin zuen, gurasoen arrantxoan. Bidegaray oso kritikoa da Trumpekin eta etorkinen deportazioekin. Emakumearen eskubideen alde egiteagatik ere ezaguna da.
Chikungunya: tigre-eltxoaren gaixotasuna saihesteko gakoak eta aholkuak
Pello Latasak, Eusko Jaurlaritzako Osasun saileko zaintza epidemiologikorako arduradunak, tigre-eltxoek kutsatzen duten chikungunya gaitzaren inguruan mintzatu da. Latasak azaldu duenez, gaitza ez da zuzenean gizakien artean transmititzen; hala ere, badira salbuespenak. Bideo honetan sintomak zeintzuk diren, transmisioa nola ematen den eta gaitzari aurre egiteko gomendioak eman dizkigu arduradunak.
Gatibuk dantzan jarri zuen Boiseko Basque Blocka
Gernikatik Idahora, Gatibuk Jaialdian izan ziren zirenak dantzan jarri zituen bere abestiekin eta taldeak duen energiarekin eta estilo bereziarekin. Kontzertu hunkigarria izan zen, bertaratu zen euskal komunitatearekin konexio sendoa erakutsi zuena.
Gizon bat atxilotu dute Tuteran, San Ferminetan salatutako intentsitate handiko sexu-erasoagatik
Sexu-erasoa uztailaren 11tik 12rako gauean salatu zuten, Iruñeko etxebizitza batean. Polizia-iturriek jakinarazi dutenez, atxilotua aske geratu da.
Euskal ospitaleetan artatzen ari diren haur gazatarrek erredurak, metrailazko zauriak eta desnutrizioa dituzte, gaixotasun larriez gain
Gurutzetako Ospitalean eta Donostia Ospitalean Gazako adingabeak artatzen ari diren medikuek nabarmendu dute "ondo" daudela. Hala ere, batzuk "desnutrizioa" dute daude eta denbora tarte bat itxarongo dute "kirurgiara egoera onean" joateko.
Nafarroako Elikagaien Bankuak larrialdiko deia egin du itxiera saihesteko
Erakundeak bere 30 urteko historiako "egoerarik larrienari" aurre egin behar dio nahitaezko egoitza aldaketa baten ondorioz, eta 300.000 euro behar ditu biziraupena bermatzeko.
Epaileak arrazoia eman dio Elizari eta Beloradoko moja ohiak kaleratzeko agindu du
Epaiak ez du moja ohiek komentua uzteko eperik ezartzen. Gainera, erlijiosoen legezko ordezkariak dagoeneko iragarri du errekurtsoa jarriko dutela, eta, beraz, litekeena da prozesu hori denboran luzatzea.
Honela eragingo dio Donostiako Klasikoak larunbat honetan hiriburuko zirkulazioari
Trafiko aldaketek garraio publikoko lineetan eta beste garraio mota guztietan izango dute eragina. Horregatik guztiagatik, ibilbide alternatiboak kontsultatzea eta joan-etorriak aldez aurretik planifikatzea gomendatzen da.
Normaltasuna nagusi da euskal errepideetan, goizean auto-ilara luzeak izan ostean
Goizean goizetik, auto pilaketa handiak izan dira euskal errepide-sareko hainbat puntutan.