Eraikina ez zegoela erortzeko zorian esan du Bilboko Udalak
Juan Mari Aburto Bilboko alkateak adierazi duenez, zaila izango da Zorrotzako sutearen jatorria ezagutzea, eraikina "kolapsatuta" baitago, eta goitik behera erortzeko arriskua baitu.
Aburtok azaldu duenez, "kostako zaigu biktimak identifikatzea", baina eraikinean hainbat pertsona erroldatuta zeudela baieztatu du.
09:00ak pasata Zorrotza auzoko Barinaga kalean izandako sutearen zonaldean azaldu da Bilboko alkatea, eta kazetarien aurrean onartu duenez, "egoera oso konplikatua da, eta alkatea naizen heinean, hunkituta nago".
"Familia batzuentzako tragedia jazo da, hori da tristeena eta adierazgarriena une hauetan. Nire doluminak eta Udalarenak agertu nahi dizkiet hildakoen familiei", gaineratu du.
Aburtok azaldu duenez, 6:34ak aldera Larrialdi Zerbitzuetara deitu dute, sutearen berri emanez, eta handik zortzi minutura suhiltzaileak heldu dira.
Bestalde, gizarte zerbitzukoak 06:59ean azaldu dira, familiak artatzeko asmoz. Hori dela eta, "beharrezkoak ziren protokolo guztiak abian jarri dira, eta behar besteko arintasunarekin".
Eraikina ez zegoen erortzeko zorian, eta dirudienez, kutxa elektrikoa "ondo zegoen, eta modu zuzenean jarrita".
Bilboko Udaleko bozeramaileen batzordeak samina adierazi du
Bilboko Udalak ziurtatu duenez, kiskalita geratu den eraikina ez zegoen erortzeko zorian. Halaber, suhiltzaileak zortzi minututan lekura hurbildu direla nabarmendu du.
Bilboko Udalean ordezkaritza duten alderdi politikoetako ordezkariek (EAJ, PSE-EE, EH Bildu, PP, Udalberri eta Goazen) gertatutakoagatik atsekabea erakutsi dute, biktimen familiartekoei eta lagunei elkartasuna adierazteaz gain.
Udaletxeak jakinarazi duenez, hainbat erakundek, alderdi politikok eta orotariko kolektiboek erakutsitako elkartasuna eta maitasuna eskertu dute Udaleko talde guztiek.
EH Bilduk, Udalberrik eta GGBk "bi abiadura dituen Bilbo bat" dagoela salatu dute, eta "ondorioak larriak direla"
EH Bildu, Udalberri eta GGB taldeek adierazi dutenez, "bi abiadura dituen Bilbo bat" dago eta horrek "ondorio larriak ditu". "Gobernuko taldeak, PPrekin batera, Eraikitzeko Legedia eta gizarte desegituraketa aztertzeko konpromisoa hartu zuen, beharrezkoa zen kasuetan berehalako neurriak hartzeko", azaldu dute. Dena den, "ez du esandakoa bete", eta, "zoritxarrez, iragarritako ezbeharra gertatu da".
ra gertatu da".Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.