Itsas ingurumena babestea du helburu NBEk, Trumpen mehatxuaren aurrean
Itsas ekosistema eta baliabide urrien inguruko gogoeta eta eztabaida izango da gaurtik aurrera Nazio Batuen Erakundeak (NBE) antolatutako Ozeanoei buruzko Konferentzian. Egun seinalatua aukeratu dute konferentzia abiatzeko: Ingurumenaren Mundu Eguna. Unea, agian, ez da egokiena, ingurumena ataka gaiztoan baitago Donald Trump AEBko presidenteak Parisko Akordiotik irtengo zela iragarri zuenetik.
Suediak eta Fijik bultzatutako hitzordua gaur hasi eta ekainaren 9ra arte izango da NBEk New Yorken (AEB) duen egoitzan. Gobernuburuak, erakundeak, gobernuz kanpoko erakundeak eta zientzialariak izango dira bertan.
Konferentziak hainbat helburu ditu, itsas kutsadura murrizteko neurri zehatzak adostu eta martxan jartzea eta ozeanoak eta itsasoak modu jasangarrian erabiltzeko konpromisoak hartzea, besteak beste. 2015ean NBEko 193 estatukidek Agenda 2030 itunean zehaztutako 14. artikulua betetzeko pausoak ematen ere saiatuko dira.
"Arnasa hartzen duzun bakoitzean, ozeanoetatik datorren oxigenoa arnasten duzu. Ozeano osasungarriak izan ezean, arazo larria izango genuke (...), gure bizitzaren iturri dira", esan du Peter Thomson NBEko presidenteak konferentzia aurkezteko agerraldian.
NBEren arabera, gizakiak sortutako karbono dioxidoaren % 30 xurgatzen dute ozeanoek, eta, hortaz, ezinbesteko dira berotze efektua murrizteko.
Besteak beste, honako gaiak izango dituzte aztergai konferentzian: itsasora botatzen diren hondakin plastikoen auzia —horien erruz, 100.000 ugaztun hiltzen dira urtero—, itsas mailaren handitzea eta klima aldaketak ekosistema urtarretan dituen ondorioak.
1972tik ospatzen da Ingurumenaren Nazioarteko Eguna. Gizakiaren eta naturaren arteko lotura estutzea du xede egun honek, bien arteko armoniak onura ekarriko duelakoan. Kanada aukeratu dute aurten herrialde anfitrioi, "Natura pertsonekin konektatu" lelopean.
Albiste gehiago gizartea
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.