Euskara ez zen kode gisa erabili II. Mundu Gerran, ikerketa baten arabera
"Basque code talkers en la Segunda Guerra Mundial" izenburupean argitaratu berri den ikerlanaren arabera, "euskal jatorria omen zuten soldadu estatubatuarrez osaturiko inongo unitatek ez zuen euskara hizkuntza kodetu gisa erabili Bigarren Mundu Gerran jazo zen Guadalcanaleko guduan (1942-1943)".
Aipatu lana Pedro J. Oiarzabal (Historian doktoreduna Deustuko Unibertsitatean) eta Guillermo Tabernilla (Sancho de Beurko Elkarteko kidea) ikerlariek plazaratu dute Sancho de Beurko Elkartearen Saibigain aldizkari digitalean.
Bi egileen esanetan, "Bigarren Mundu Gerran AEBko armadak euskara kodetutako hizkuntza gisa erabili izan zuenaren ideia oso hedatuta egon da 65 urtez".
Aitzitik, Oiarzabalek eta Tabernillak baieztatzen dutenez, euren lanetik argi ondorioztatzen da "gertaera hori faltsua izan zela, eta baita Frank Carranza izeneko kapitainak jokatu zuen papera ere". Orain arteko usteen arabera, Carranza litzateke euskararen ustezko erabilera militar horren bultzatzailea.
Hartara, historiagile bien ustez, "mito" horren sorreraren oinarrian "erbestean zegoen Eusko Jaurlaritzako zerbitzu sekretuen eta CIAren aurrekaria izan zen AEBko Zerbitzu Estrategikoen Bulegoaren arteko harreman konplexuak" egongo lirateke.
Aldi berean, ikerlanaren beste adar batek adierazten duenez, sasoi horretan Eusko Jaurlaritzako lehendakariordea zen Jesus Maria Leizaolak "espioi lanak egin zituen Erresuma Batuarentzat".
Albiste gehiago gizartea
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea min iraunkorra mendekotasunean erori gabe tratatzeko.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.
Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei
Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.
Alarde zatitua beste urte batez Irunen, San Martzial egunarekin batera
7:40an atera da Alarde Tradizionala, eta 10:20ean hasi du ibilbidea Parekideak.
Gizon bat hil da Donostian, istripuz, patinetean zebilela
55 urteko gizaseme bat hil da Altza auzoan, istripuz. Familiak salatu duenez, patinetearen kontrola galdu zuen txarto zegoen estolda batetik pasatzean, eta ingurua konpontzeko eskatu diote Udalari.
Beroak ez du etenik Euskal Herrian
Asteburuko bero-boladak jarraipena izango du astean zehar, eta 30 ºC-tik gorako tenperaturak neurtuko dira berriro hiriburuetan.
Garbitzaile bat hil da bero-bolada betean, Bartzelonan
Bartzelonako Udalak baieztatu egin du gertakaria, baina oraindik ezin da ziurtatu beroak eragin izana heriotza.
Lekeitiok bere egun handia ospatu du gaur Kaxarranka dantza tradizionalarekin
Zortzi arrantzalek eutsitako kutxaren gainean aritu da Olatz Maruri dantzaria. Bigarrengoz, emakume bat, duela bi urte Ane bere ahizpak egin ostean.