Miguel Blesa hilda aurkitu dute, bularrean tiro baten zauria zuela
Miguel Blesa Caja Madrideko presidente ohia hilda agertu da, bularrean tiro bat zuela, Kordoban, ehizarako finka batean. Guardia Zibila aztertzen ari den hipotesi nagusiaren arabera, baliteke bere buruaz beste egin izana, ikertzaileek Europa Press albiste agentziari azaldu diotenez.
Blesa Kordobako Puerta del Toro etxaldean hil da gaur. Polizia iturrien arabera, finka horretako langile batek aurkitu du, eta osasun zerbitzuak ohartarazi ditu. Bertaratutako osasun langileek Miguel Blesaren heriotza baieztatu besterik ezin izan dute egin, 08:40an, eta heriotza ehizarako eskopeta batekin bularrean egindako zauriak eragin diola egiaztatu dute.
Etxaldean berarekin zeuden lagunen lehen testigantzen arabera, aparkatuta zuen autoa tokiz aldatzera zihoala esan die Blesak, eta, minutu batzuk geroago, langile batek aurkitu du hilotza.
Guardia Zibilaren polizia judizialak bere gain hartu du ikerketaren ardura.
Lehen zantzuek suizidioaren hipotesia indartu badute ere, ez dute baztertu istripua izan izana, Polizia iturrien arabera. Blesa etxe horretara joan ohi zen ehizara.
Bankari ohiaren heriotza ikertzeko ardura bere gain hartu duen epaileak baimena eman ondoren, Kordobako Auzitegiko Medikuntzako Institutura eraman dute gorpua autopsia egitera.
Blesa 70 urte betetzear zegoen (abuztuak 8), eta Auzitegi Nazionalak sei urteko kartzela-zigorra ezarri dion martxoan, Caja Madrideko black txartelak erabiltzeagatik eta, horien bidez, 436.688 euro xahutzeagatik. 1996tik 2010era bitartean izan zen Blesa Caja Madrideko presidentea.
Harekin batera, txartel horiek erabili zituzten beste 64 pertsona ere zigortu zituzten, besteak beste, Rodrigo Rato, Blesaren lekua hartu zuen gizona. Biek helegitea aurkeztu zuten Auzitegi Gorenean, eta, horrela, kartzelara sartzea atzeratu zuten.
Floridan (AEB) banku bat erosteagatik kartzelatu zuten 2013an, behin-behinean, baina, 2,5 milioi euroko bermea ordaindu, eta aske utzi zuten, 24 ordu geroago.
Urte horretako ekainean berriro espetxeratu zuten, baina Probintzia Auzitegiak auzia baliogabetu zuen, eta berriro utzi zuen aske.
Blesak beste bi ikerketari aurre egin behar izan dio; bata, Caja Madrideko presidente izan zen garaian horren zuzendariek jasotako eskupekoak argitzeko auzian, eta, bestea, bere izena 'Panamako paperetan' agertu zelako.
Albiste gehiago gizartea
Bilboko Konpatsek eraso sexisten aurkako elkarretaratzea egin dute
Arriaga Antzokiaren aurrean egindako elkarretaratze jendetsu batean, Bilboko Konpartsek azken egunetan izandako eraso sexisten aurka egin dute. Aste Nagusiaz gozatzeko gonbitea luzatu diete herritarrei, baina erasotzaileei etxean geratzeko eskatu diete.
Antonio Aretxabala, geologoa: "Mendia ustiatzen duen jendeak zaindu behar du"
Antonio Aretxabala geologoak adierazi du bereizi egin behar direla basoa ekosistema gisa eta mendia industria-ustiapen gisa, hortxe baitago arriskua. Ohartarazi du hurrengo uholdeak okerragoak izango direla inguruan, lurra higatuta dagoelako. Ohartarazi du, gainera, norbaitek baso-sute batetik onura ateratzea arriskutsua dela.
Txupinerek ere egun handia dute Aste Nagusian!
Bilboko Aste Nagusiko txupinerak gaur eguerdian bildu dira, urtero bezala, Areatzako ohiko ongietorria egiteko. Guztiek txupinak bota dituzte berriro, euren uniformea jantzita, Malu Crespok duela 40 urte jantzi zuen jaka gorri tipikoarekin.
Gizon bat atxilotu dute Gasteizen, bikotekidea etxeko hozkailuaren kontra bultzatu eta mugikorra botatzeagatik
Eraso matxista asteazken arratsaldean jazo zen, Pilar auzoko etxe batean. Emakumeak hematoma bat zuen aurpegian.
Carlos Uriagereka (Bizkaiko Baso Zerbitzua): “Suteen mehatxupean zegoen herri bat salbatzeko aukera izan dugu”
Bizkaitar profesional ugari izan dira Leongo Casasuertes herrian, astelehenetik Gaztela eta Leonen penintsulako ipar-mendebaldea kiskaltzen duten suteak itzaltzen laguntzen. Carlos Uriagereka, Bizkaiko Aldundiko Baso Zerbitzuaren buruak adierazi du gogorra izan dela, baina pozik itzuli direla Euskal Herrira, lortu dutelako suebakiak eginez sutea kontrolatu eta bizilagunak etxera itzultzea.
Rozalen musikariak liluratu egin ditu Bilbon bildutako zaleak
Albaceteko artistak kontzertua egin du, bart, Europa Parkeko eszenatokian.
Gizon bat ikerketapean, autoa mozkor eta gidabaimenik gabe gidatzeagatik, bi bidaiari gorputza sabaitik ateratzen ari zirela, Iruñean
23 urteko gidaria bide-segurtasunaren aurkako delitu batengatik ikertu dute. Autoan zihoazen bi bidaiariak ere salatu dituzte, segurtasun-uhalik gabe zihoazelako, mugikorrarekin grabatzen.
Baso-suteek 350.000 hektarea baino gehiago erre dituzte abuztua hasi denetik, Espainian
Oraindik, hogei bat su daude aktibo Gaztela eta Leonen, Galizian eta Extremaduran, eta haizea sua itzaltzeko lanak zailtzen ari da hainbat tokitan. Bien bitartean, azken orduetan Leongo iparraldean botatako euriak garrak kontrolatzen lagundu du Europako mendien inguruan. Bestalde, EAEtik sua itzaltzera joandako suhiltzaileek etxerako bidea hartu dute.
11 pertsona atxilotu dituzte Bilboko Aste Nagusiko bosgarren gauean; batek osasun-langileei eraso egin die
Atxiloketa gehienak indarkeriaz egindako ebasketekin eta lapurretekin lotuta daude. Dena dela, beste delitu batzuk ere jazo dira, eta gizon bat ere atxilotu dute emakume bati ukituak egitea leporatuta.
Hona hemen Faltzesko Piloneko bosgarren entzierroko irudiak
Faltzesko Piloneko bosgarren entzierroak minutu bat eta 11 segundo iraun du, orain arteko bigarren entzierro luzeena izan da eta Eulogio Mateo de Carcarren zezenak izan dira protagonista. Hainbat eroriko eta estropezu izan dira ibilbidean zehar.