Autopsiak baieztatu egin du Blesak bere buruaz beste egin zuela
Miguel Blesa Caja Madrideko presidente ohiaren hilotzari egindako autopsiak baieztatu egin du bere buruaz beste egin zuela, bere errifle bat erabilita, ikertzaileek EFEri adierazi diotenez.
Hilotzean ageri diren zauriak bat datoz suizidioarekin, auzitegi medikuen iritzian, Europa Pressen arabera.
Blesaren gorpua Kordobako Medikuntza Legaleko Institututik atera eta Kordobako Las Quemadas beilatokira eraman dute. Bankariaren senideak eta lagunak bildu dira bertan, gorpua errausteko.
Iragarritakoa betez gero, bihar Blesaren jaioterrira eramango dituzte errautsak, Linaresera (Jaen), eta haren aldeko hileta elizkizuna egingo dute, lurperatu baino lehen.
Gertaeraren kontaketa
Europa Pressen arabera, ikertzaileen esanetan, bankari ohia gosaltzen ari zenean, mahaitik altxatu zen, autoa lekuz mugitu behar zuela esanez, aparkalekura joan zen, maletategia ireki, eta errifle bat hartu zuen.
Ondoren, autoaren aurrealdera joan zen, armaren ipurdia zoruan eta kanoia bularraren parean jarri, eta tiro egin zuen. Tiro bakarra egin zuen. Ondorioz, Caja Madrideko presidente ohiaren hilotzak kapotaren aurka jo zuen, eta lurrean etzanda geratu zen, gurpiletako baten ondoan.
Gertatutakoa argitzeko, ikertzaileek ingurua aztertu dute, eta etxean zeuden pertsonen testigantzak bildu dituzte. Finkak 1.600 hektarea ditu ehizarako, eta Sierra Morenan dago. Blesa hara joan ohi zen ehizatzera; D eta E baimenak zituen ehizan egiteko, eta 15 arma zituen bere izenean erregistratuta.
Blesa agertu den finkaren irudia. Argazkia: EFE
Blesa asteazkeneko 02:00etan heldu zen Puerto del Torora. Bere autoan joan zen, bakarrik. Gauean, atseden hartu, eta oso goiz gosaldu zuen, Rafael Alcaide bere lagun eta finkaren kudeatzailearekin (Sociedad Rozuelas del Valle SL enpresaren izenean dago). Autoa mugitu behar zuela esan zion lagunari. Langile batek topatu zuen bankari ohiaren gorpua geroxeago, ikertzaileek diotenez, eta 07:50ean deitu zuten 112 Larrialdietarako Zerbitzura.
Andaluziako Justizia Auzitegi Nagusitik atzo adierazi zutenaren arabera, Blesaren gorpua auto baten barruan aurkitu zuen. Osasun langileek 08:40an baieztatu zuten hilda zegoela, toraxean tiro bat jasota. Peñarroya-Pueblonuevo udalerriko Lehen Auzialdi eta Instrukzio Epaitegiko epaileak bere gain hartu du gertatutakoa argitzeko ardura.
Eguerdian eman zuen epaileak gorpua altxatzeko eta Kordobako Auzitegi Medikuntzako Institutura eramateko agindua. Aurretik, auzitegiko mediku bat eta Guardia Zibilaren Polizia Judizialeko agenteak bertaratu ziren, gertatutakoa ikertzera.
Blesa 70 urte betetzear zegoen (abuztuak 8), eta Auzitegi Nazionalak sei urteko kartzela-zigorra ezarri zion martxoan, Caja Madrideko black txartelak erabiltzeagatik eta, horien bidez, 436.688 euro xahutzeagatik. 1996 eta 2010 bitartean izan zen Blesa Caja Madrideko presidentea.
Argazkia: EFE
Zure interesekoa izan daiteke
Aske utzi dute Barakaldon udaltzain baten tiroa jaso zuen ustezko lapurra
Gizonak arma zuri batekin egin zien mehatxu poliziei, eta udaltzain batek hanka batean tiro egin ostean atxilotu zuten.
Unibertsitatean ke poteak eta pankartak jarri direla eta, epelkeria ukatu eta salbuespenak direla esan du Bengoetxeak
EHUko errektoreak azaldu duenez, jarduera protokolo bat prestatzen ari dira, hezkuntza komunitate osoaren ekarpenak bilduta, erakundearen barruan errespetua eta bizikidetza sustatzeko.
Beste bi gizon atxilotu dituzte Gasteizen, adingabe bat sastatzea leporatuta
Aurretik atxilotutako bost gazteek bezala, 19 eta 20 urte bitartean dituzte. Ertzaintzak labanak eta mailuak zituen poltsa bat topatu zuen horien autoan, eta konfiskatu egin zizkieten.
Behin-behinean aske utzi du epaileak Basaurin bikotekidearen heriotzarekin zerikusia zuelakoan atxilotutako gizona
45 urteko gizona 15:00ak aldera eraman dute epaitegira, eta epaileak behin-behinean aske utzi du baina egunero auzitegira joateko aginduarekin. Pasaportea ere kendu diote.
Basauriarrek bigarrenez gaitzetsi dute Amaiaren hilketa matxista
Udalak deituta, elkarreratze isila egin dute eguerdian Azaroak 25 plazan, sortzez Berangokoa zen 44 urteko emakumearen hilketa salatzeko. Hain justu, Berangoko Udalak beste bilkura bat deitu du astearterako.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. Ikerketaren iturriek EITBri baieztatu diotenez, urruntze agindu bat zegoen indarrean, baina atxilotuak askotan urratzen zuen.
17 urteko mutil batek polizia-kontrol batetik ihes egin du asegururik eta IATrik ez zuen auto batekin, Beriainen
Adingabeak giltzak ostu zizkion amari, eta jazarpen arriskutsu baten ostean, egindakoa "Instan argitaratuko ote zen" galdetu zien agenteei.
Adingabe bat sastatzeagatik Murgian atxilotutako bost gazteek polizia-etxean jarraitzen dute
Erasoa ostegun arratsaldean gertatu zen, Gasteizko Oto etorbidean.
Gizon bat atxilotu dute Barakaldon, indarkeriaz egindako lapurreta bat artatzera joandako udaltzainei labanaz mehatxu egitea egotzita
Agenteak taser pistola bat erabiliz saiatu ziren hura geldiarazten, eta ez zutela lortzen ikusita, tiro egin zioten hanka batean. Atxilotua Gurutzetako Ospitalera eraman zuten gero, baina arriskutik kanpo dago.
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.