Zubietako erraustegiaren kontrako giza katea deitu dute irailaren 10erako

Azpiegitura horrek izango duen "gastu izugarria" salatu dute, "mahai gainean aukera merkeago, ekologikoa eta osasungarriagoa daukagunean".

Zubietako erraustegia. Artxiboko argazkia: EFE

Agentziak | Erredakzioa

2017/09/01 - 01:01

Azken eguneratzea

2017/09/01 - 01:01

Donostia Bizirik taldeak eta Errausketaren Aurkako Herri Plataformen Koordinakundeak Zubietako erraustegiaren kontrako eta osasunaren aldeko giza katea antolatu dute irailaren 10erako, Kontxako hondartzan (Donostia). EH Bilduk, Alternatibak, Equok, Irabazik, Ezker Anitza-IUk, Podemos-Ahal Duguk, Andoiain Irabazik, ESK-k, CCOOk, Duintasunak, LABek, Eguzkik, Ekologistak Martxanek eta Greenpreacek bat egingo dute ekimenarekin.

Mobilizazio horretako antolatzaileek Gipuzkoako hiriburuan azpimarratu dutenez, Zubietako erraustegiko lanak hasi dituzten arren, "borrokarekin" jarraituko dute azpiegitura hori eraiki ez dezaten. Hala, 11:30ean giza katea egingo dutela iragarri dute, Kontxako hondartzako sarreran.

"Erraustegiaren alde dauden ordezkari politikoen eta enpresen interesak salatzen jarraituko dugu, eta gure esku ditugun oztopo guztiak jartzen saiatuko gara", ziurtatu dute antolatzaileek.

Halaber, 2007tik 2015era bitartean gipuzkoarren zabortegietara bidalitako hondakin kopurua "% 45 murriztu" dela nabarmendu dute, eta urtero joera bera izan dela azpimarratu dute. "2016an, kasualitatez, ez da murrizketarik egon aurreko urtearekin alderatuta". Zubietako erraustegiaren kontrako taldeen esanetan, horrek "argi erakusten du zeintzuk diren Gipuzkoako agintarien interesak, gaur egun soilik 160.000 tona dituzten arren urtero 200.000 tona behar dituztelako munstroa elikatzeko".

Era berean, Zubietako erraustegiaren inguruan bizi diren herritarrei osasun azterketak egingo dizkietela kritikatu dute, "gaixotu direnentzat ikerketek ez dutelako balio". Horrenbestez, dagoeneko eginak dauden ikerketei kasu egiteko eskatu diete agintariei.

Azkenik, azpiegitura horrek izango duen "gastu izugarria" salatu dute: "1.000 milioi euro baino gehiago, gipuzkoar bakoitzeko 1.500 euro baino gehiago, beti ere aukera merkeago, ekologikoa eta osasungarriagoa mahai gainean daukagunean", esan dute.

Albiste gehiago gizartea

EHUk irudi berria aurkeztu du Chillida-Lekun

Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute eta Leire Berasaluzek abestu du.

Min kronikoa duten pertsonen kopurua igo egin da Euskadin, eta, horrekin batera, opioideen erabilera

Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea min iraunkorra mendekotasunean erori gabe tratatzeko.

Osakidetzak 67 lagun artatu ditu azken 10 egunetan, tenperatura altuen ondorioz

Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.

18:00 - 20:00

Bidaiari bat atxilotu dute Loiun, kontrabandoagatik

Atxilotuak 2.550 tabako-pakete zeramatzan fakturatutako ekipajean.

Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei

Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.