Enpresek langileen mezuak irakur ditzakete, baina aurrez ohartarazita
Enpresek langileen mezu pribatuak irakurtzeko dituzten ahalmen eta mugen inguruko jurisprudentzia ezarri du gaur Giza Eskubideen Europako Auzitegiak (ECHR, ingelesezko sigletan). Lantokitik mezu pribatuak bidaltzeagatik kaleratu zuten Errumaniako langile baten auziaren behin betiko epaia eman du Auzitegiak, 2016an emandako beste bat zuzenduz.
Iaz Errumaniaren eta enpresaren alde agertu bazen ere, oraingoan langilea babestu du. Epaiaren arabera, Errumaniako auzitegiek ez zuten egiaztatu enpresak langilea behar bezala ohartarazi ote zuen, eta, beraz, ez zuten langileak bizitza eta mezu pribatuak izateko duen eskubidea "egoki babestu". Horrenbestez, Giza Eskubideen Europako Hitzarmenaren 8. artikulua —bizitza pribaturako eskubidea babesten duena, hain justu— urratu zuten.
Epaia ez dute aho batez hartu, eta sei boto partikular egon dira, tartean Giza Eskubideen Europako Auzitegiaren presidentearena.
Errumaniak 1.365 euro ordaindu beharko ditu epaiketaren gastuengatik.
Non dago muga?
Auzitegiaren esanetan, enpresek langileen mezuak zelata ditzakete, eta baita kaleratu ere, kontu pertsonaletarako erabiltzen badituzte. Hori bai, "berme guztiak jarri beharko ditu gehiegikeriak saihesteko". Horixe da muga.
Hala, "langileen mezuak zelatatuko dituztela jakinarazi beharko dute enpresek aldez aurretik". Gaur emandako epaiak aztertu duen auzian, ordea, ez zen horrelakorik gertatu.
Barbulescuren kasua
Bogdan Mihai Barbulescu 36 urteko langile errumaniarraren kasua aztertu du Europako Auzitegiak. Barbulescu hiru urtez (2004tik 2007ra) ibili zen enpresa baten lanean, salmenta arduradun moduan. Nagusiak Yahoo Messenger sarean kontu bat zabaltzeko eskatu zion, bezeroekin hartu-emanak izateko.
2007ko abuztuan kaleratu zuten "enpresaren baliabideak norbere kontuentzat erabiltzeagatik"; izan ere, nonbait, "enpresako barne araudiak beren-beregi debekatzen zuen erabilera hori". Kaleratze hori justifikatzeko, hilabete lehenago laneko Messenger horretan atzemandako mezu pribatuak erakutsi zizkioten. Uztailaren 5etik 13ra ordenagailua zelatatu zioten, eta anaiari eta neska-lagunari osasunaren eta sexuaren inguruan botatako mezuak atzeman zizkioten.
Barbelescuk auzitara jo zuen, baina Errumaniako epaitegiek enpresari eman zioten arrazoia. Babes eske, Giza Eskubideen Europako Auzitegiaren aurrean salatu zuen auzia, eta horrek arrazoia eman dio azkenean.
Zure interesekoa izan daiteke
Etxegabetzeen aurkako dekretua luzatzeko eskatu dute, 2026an dozenaka familia kalean ez geratzeko
Donostian egindako prentsaurreko batean, Kaleratzeak Stop elkarteko ordezkariek, EH Bilduko, Podemoseko eta EB-IUko kideekin batera, abenduaren 31n amaituko den "babes soziala" luzatzeko eskatu dute, eta Eusko Legebiltzarrak aste honetan onartutako Etxebizitzaren, Lurzoruaren eta Hirigintzaren arloko Premiazko Neurriei buruzko Legearen kontra agertu dira.
Mitika diskotekako atezain batek kolpatuta hil zen Kerman Villate gaztea omendu dute Gasteizen
Kerman Villateren senideek prozesu judizialaren nondik norakoak salatu dituzte, eta egia eta justiziaren bila jarraituko dutela adierazi dute. Ehunka pertsona bildu dira Kermanen omenez egindako ekitaldian.
UEMAren esanetan, 2026ak “hizkuntza politika berriaren orubeak sendotzeko urtea” izan behar du
Urdiain eta Zeberio sartuta, 120 udalerrik osatzen dute jada Udalerri Euskaldunen Mankomunitatea (355.000 biztanle). Euskararen kontrako oldarraldia dela eta, “euskarak benetako lege-babesa izan dezan akordioak adosteko ahalegin guztiak” egingo dituela esan du Martin Aramendi UEMAko lehendakariak.
Zorteak irribarre egin dio Barakaldori: loteriaren bigarren sari batek 1,2 milioi euro utzi ditu
Larunbat honetako Espainiako Loteriaren zozketak 1,2 milioi euro utzi ditu Barakaldon. Loteriaren 17. administrazioak oso-osorik saldu du bertan 54299 zenbakia.
Adingabe batek Getxoko talde batean jasandako erasoak eta jazarpena salatu ditu horren familiak
Biktimak bi urtez jaso ditu ezkutuko deiak, irainak, jazarpena sare sozialetan eta eraso fisikoak. Eraso larriena udan jaso zuen, erasotzaileek inguratu eta jo egin baitzuten. Konortea galduta, lurrera erori zen, eta erasoa grabatu egin zuten.
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.
VacaPop, ganadua erosi eta saltzeko aplikazioa: “Edadekoak ere hasi dira, pixkanaka, erabiltzen”
Inora joan beharrik gabe abereak saldu eta erosteko helburuarekin sortu da VacaPop mugikorrerako aplikazioa. Azoken zain egon barik, Internet bidez behiak, zaldiak, ahuntzak, landako makinaria eta bazka saldu eta erostea posible da honezkero. Oier Aizpuru eta Aitzol Gorospe abeltzain gazteek adierazi dutenez, oso erraza eta azkarra da. Nabarmendu dute, halaber, tratuak era tradizionalean ixten direla, alegia, aurrez aurre.
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.