Sanferminetako taldekako bortxaketaren epaiketa ateak itxita egingo da
2016ko sanferminetako taldekako bortxaketaren epaiketa ateak itxita egingo da, Nafarroako Auzitegiko 2. Sekzioak erabakita. Nafarroako Justizia Auzitegi Nagusiak ohar bidez jakinarazi duenez, salatzailearen "intimitaterako oinarrizko eskubidea" babesteko eta salatzailearen zein bost akusatuen esposizio publikoa zaintzeko hartu du erabakia.
Auzitegiak bere autoan debekatu egin du biktimaren nortasunaren inguruko informaziorik zabaltzea, zeharka edo zuzenean, eta baita horren edota horren senideen irudiak ateratzea, zabaltzea eta argitaratzea ere. Magistratuen arabera, epaiketako aktan gehitutako informazioari lotuta daude aipaturiko bi debeku horiek. Halaber, autoak debekatu egiten du azaroaren 13tik 24ra bitartean egingo den epaiketako aretoan esaten edo ikusten diren bideoak zabaltzea. Behin-behinean espetxean dauden akusatuei dagokienez, Auzitegiak horien irudiak hartzea, zabaltzea eta argitaratzea debekatu du.
Epaimahaiak epaiketaren publikotasunari buruzko iritzia eskatu zien aldeei. Defentsaren abokatuak epaiketako saio guztiak ateak itxita egitea eta biktimaren zein horren senideen irudiak ateratzea, zabaltzea eta argitaratzea debekatzeko eskatu zuen. Herri akusazio gisa jardungo duen Iruñeko Udalak eskari horrekin bat egin zuen gero.
Fiskalak, bere aldetik, biktimaren deklarazioa eta epaituko diren egitateen inguruko bideoen eta argazkien erreprodukzioa ateak itxita egitea proposatu zuen, eta magistratuen esku utzi zuen hedabideen presentzia eta horiei epaiketako irudiak grabatzeko aukera ematea. Herri akusazio gisa arituko den Nafarroako Gobernuak ere bat egin zuen planteamendu horrekin.
Bestalde, talde bortxaketan parte hartzeagatik akusatuta dauden bost gizonetako biren defentsak epaiketa ateak itxita egitea eskatu zuen, eta gainerako hirurek, berriz, epaiketa publikoa izatea, salatzailearen deklarazioa salbu. Halaber, akusatuen eta biktimen irudiak ez grabatzea eskatu zuten beren intimitate eta irudi eskubideak babesteko.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.