Epaileak frogatzat onartu du bortxatutako neskari egindako espioitza
Atzo hasi ze Nafarroako Auzitegian 2016ko sanferminetako bortxaketaren epaiketa eta epaileak frogatzat onartu du biktimari egindako espioitza, ETBk jakin ahal izan duenez.
Sexu-erasoa egotzita, Sevillako bost gazte daude auzipetuta. Horietako hiruren abokatuak bortxaketaren biktima zelatatzeko agindua eman zion detektibe pribatu bati eta epaileak informazio hori epaiketan erabiltzea onartu du.
Komunikabide batzuen arabera, jarraipenak egin zizkioten eta haren sare sozialak zelatatu dituzte. Familiarekin eta lagun batzuekin oporretan zela ere espiatu egin zuten.
Epaiketa ustezko bost bortxatzaileen aurkakoa bada ere, epaileak onartu egin du defentsako abokatuak espioitzaren bidez biktimari buruz lortu duen informazioa erabiltzea.
Areago, bortxaketa horren aurretik bost auzipetuek Andaluzian egindako beste sexu-eraso bat epaiketa honetan aurrekari froga gisa erabiltzea baztertu du epaileak.
Biktimak gaurko saioan deklaratu du eta bost auzipetuek bortxatu egin zutela berretsi du epailearen aurrean.
Madriletik Iruñera joan behar izan du biktimak; izan ere, epaitegiak errefusatu egin zuen deklarazioa bideokonferentziaz egitea.
Biktimak ia lau orduz deklaratu du, eta ez ditu akusatuek grabatu zituzten bideoak ikusi behar izan.
Gainera, emakumeak ez du topo egin bost ustezko erasotzaileekin, beste gela batetik jarraitu baitute haren deklarazioa, bideokonferentziaz.
Akusatuek atzoko saioan deklaratu zuten eta errugabetzat jo zuten beren burua. Horietako lauk ukatu egin zuten neska gazteari lapurtu izana; bosgarrenak, berriz, onartu egin zuen sakelako telefonoa ostu ziola biktimari.
Epaiketa azaroaren 24an bukatuko da eta ateak itxita egingo dute uneoro, neskaren intimitatea babesteko.
Biktimaren abokatuak 24 urte eta 9 hilabeteko kartzela-zigorra eskatu du auzipetuentzat; akusazio partikularrek, aldiz, 25na urte.
Fiskaltzak, ostera, 22na urte eta 10 hilabeteko kartzela-zigorra galdegin du bost gizonetako bakoitzarentzat (espetxean daude bostak).
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Erregelamenduaren erreforma berriak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.