Gripeak epidemiaren ataria gainditu du Euskadin
Gripea 100.000 biztanleko 123 kasuren mailara iritsi da Euskadin. Hortaz, gainditu egin du epidemiaren ataria, muga hori 100.000 biztanleko 52,46 kasutan baitago ezarrita.
Osakidetzak asteazken honetan jakinarazi duenez, gripe sindromearen ondorioz artatu dituzten pertsonen kopuruak gora egin du, eta 5 eta 14 urte arteko eta 0 eta 4 urte arteko adin tarteetan ari da eraginik handiena izaten.
Era berean, gaur arte bildutako informazioaren arabera, datozen asteetan gripe-kasuak handitu egingo dira. Orain arte, denboraldia hasi denetik, 32 pertsona ospitaleratu dituzte gripearen ondorioz, eta horietako 10 larri zeuden.
Gripearen berezko sintomak nabaritzen dituzten pertsonei osasun-baliabideak modu arduratsuan erabiltzeko eskatu du Osasun Sailak. Horrela, sintomen arabera baloratu beharko dute zein den horri aurre egiteko osasun-zerbitzurik egokiena: familia-medikua, atentzio iraunkorreko guneak edo, konplikazio larriak dauden kasuetan, ospitaleetako larrialdiak.
Ildo horretatik, Osakidetzak gogorarazi du gripea gaixotasun gogaikarria bada ere, onbera dela osasuntsu dauden pertsonentzat, eta ez duela tratamendu espezifikorik. Hori dela eta, atseden hartzea, likido ugari hartzea eta sukarra jaisteko sukar-kontrakoak hartzea dira gomendio nagusiak. Sukarrak behera egin ezean, medikuarengana jo behar dugu.
Halaber, transmititzeko eta kutsatzeko erraztasun handia duenez, zuhurtasuneko neurri higienikoak handitzea gomendatu dute, eztulaz eta doministikuez babestea esaterako, eskuak maiz garbitzea eta erabili ondoren botatzen diren mukizapiak erabiltzea.
Azkenik, gripearen aurkako txertaketa-kanpaina beste 15 egunez luzatzea erabaki du Osakidetzak. Beraz, urtarrilaren 6ra arte izango da txertoa jartzeko aukera.
Albiste gehiago gizartea
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.