N-240ko istripuak salatzeko elkarretaratzea egin dute Pesalur enpresako langileek
Pesalur enpresako langileek eta Usansoloko auzotarrek elkarretaratzea egin dute gaur, astelehena, Galdakaon, azkenaldian N-240 errepidean izandako istripuak salatzeko. Otsailaren 1ean gertatu zen istripuan, bi langile hil ziren: Bizkaibus enpresako autobus-gidari bat eta kamioi-gidari bat.
Bilkura Labeaga auzoan egin dute, ospitalearen parean, 10:00etatik 11:00etara.
Jon Elordui Pesalurreko enpresa batzordeko presidentearen hitzetan, N-240 errepideak "istripua ugari" izaten dira N-240 errepidean, Galdakao parean; hortaz, "hori ez da normala eta konpondu beharreko nolabaiteko arazo bat dago", esan du.
Elorduiren ustez, irtenbideetako bat autobidea "ordaindu barik" zabaltzea izango litzateke. "Denok dakigu autobidea nahikoa ordainduta dagoela eta errepide nazionalak izaten dituen istripuekin eta igarotzen den trafiko ugariarekin ez du zentzurik", adierazi du.
"Tarte horrek arazoren bat izan behar du, ez baita normala horrenbeste istripu jazotzea", ohartarazi du.
Errepidean lanak egiten ari dira gaur egun, inguru horretan "istripu ugari" gertatzen direla konturatuta, esan du Imanol Pradales Garapen Ekonomia eta Lurralde Garapena Sustatzeko diputatuak aurreko astean. Bi pertsona hil ziren Galdakaoko bihurgune horretan neurri zuzentzaileak hartzeko eskaria egin du UGTk ere.
Eremu horretan bertan, AP-8 autobidearen eta N-240 errepidearen bidegurutzean hobekuntza lanak egiten ari dira, Usansolo erdiguneko eta Galdakaoko Ospitaleko sarbideak berrantolatzeaz gain. Hori dela eta, diputatuaren arabera, zirkulazioak "hainbat muga" ditu; besteak beste, orduko 40 kilometroko abiadura-muga dago ezarrita orain dela zenbait hilabetetik bertan.
Zure interesekoa izan daiteke
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.