Bilboko Udaleko alderdi politiko guztiek Segurtasun Ituna sinatu dute
Bilboko Udalean ordezkaritza duten alderdi politiko guztiek Segurtasun Ituna sinatu dute gaur goizean, herritarren segurtasuna lehenesten duena eta bereziki emakumeei, adin txikikoei, adinekoei eta biktimei arreta berezia jartzen diena. Halaber, 2018-2023 Plan Estrategikoaren barruan sartuko da.
Udalak ohar bidez jakinarazi duenez, Segurtasun Itunak hiru lehentasun finkatzen ditu: kolektibo ahulak (emakumeak, bereziki indarkeria matxista jasaten dutenak; adin txikikoak; nagusiak eta delituek biktimak), auzoak eta bizi kalitatea, eta egoera bereziak, ekitaldi jendetsuak, bertako merkataritza eta turismoa, adibidez.
Horrez gain, hiriko segurtasun eredua indartzea helburu duten 35 neurri ezarri dituzte, besteak beste, hauek: auzoetako ikuskaritzarako langile gehiago izatea; herritarren segurtasunerako taldeak auzoka antolatzea; protokoloak eratzea arrisku egoeren antzemate goiztiarrerako, adingabeentzat, emakumeentzat, pertsona nagusientzat eta bereziki ahulak diren pertsonentzat; ekintza positiborako neurriak hartzea, pertsona guztiek aukera berdinak izan ditzaten; polizien arteko koordinazio prozesuen ebaluazioa eta hobekuntza etengabea; erasoen eta erasorako arriskuen aurrean berehalako alarma duen aplikazio bat martxan jartzea emakumeentzat, eta abar.
Bilboko hiriaren egoerari buruzko irailaren 15eko osoko bilkuran atera zen itun hori egiteko ideia, eta alderdi politiko guztiek hasierako testuari egindako ekarpenei esker lortu dira itunaren testua eta neurriak.
"Dokumentu honetan hurbiltasunezko poliziaren garrantzia azpimarratzen da. Horregatik, hiriko segurtasun eredua indartuko da: pertsonak politiken erdigunean jarriko dira, eta hiritarren segurtasuna pertsonen eta ondasunen babesletzat hartuko da. Itun hau, Itun Sozialarekin eta beharrezkoak gerta litezkeen beste batzuekin batera, alderdi politikoek Bilboko pertsonentzako etorkizun hobe bat eraiki eta ahalbidetzeko oinarria izan beharko litzateke", azpimarratu du Udalak.
Aburtok konpromisoa eskatu dio Udaltzaingoari, "indarkeriazko jarrerak saihesteko, jazartzeko eta desagerrarazteko"
Itunaren sinaduraren ondotik, Juan Mari Aburto Bilboko alkateak eskerrak eman dizkie Udalean ordezkaritza duten alderdi politiko guztiei: batetik, EAJ eta PSE-EEri, akordioa lortzeko "indarrak batu" dituztelako; eta bestetik, Goazen, Udalberri, PP eta EH Bilduri, "akordio historikoa delako". Izan ere, "akordio egonkor eta osoa lortu dugu gure hiriko segurtasuna hobetzeko", horren esanetan.
Alkateak konpromisoa eskatu dio Udaltzaingoari, gizalegearen kontrakoak eta indarkeriazkoak diren jarrerak "saihesteko, jazartzeko eta desagerrarazteko". "Lan horretan hiritarrengandik gertu egoteko eskatzen dizuet, entzuteko, kasu egiteko, behar dutenean lasaitzeko eta kezkatzen dituzten gai horiei aurrea hartzeko gehiagora joan ez daitezen", gaineratu du.
Herritarrei begira, ostera, bilbotarren "segurtasuna, ongizatea, bizi-kalitatea eta elkarbizitza baketsua" hobetzea lortu arte lanean jarraituko duela azpimarratu du. "Gertatzen zaizuen guztiak kezkatzen gaitu", esan du.
Bestalde, Aburtok ohartarazi duenez, "Bilbon soberan daude indarkeria erabiltzen dutenak, erasotzaileak eta lapurrak. Gure lana da beraien ekintzak zigorrik gabe ez gelditzea eta egiten badute hiriko kaleetatik aterako ditugula esatea". "Bilbo hiri segurua da eta hala izaten jarraituko du", azpimarratu du.
Zure interesekoa izan daiteke
Hiru bidaiari zauritu dira Erriberabeitian, autobus istripu batean
Miranda de Ebroko ospitalera eraman dituzte, eta gainerakoek beste autobus batean amaitu dute euren bidaia.
Ingurumen-bereizgarria nahitaezkoa izango da astelehen honetatik aurrera Iruñeko Alde Zaharrean sartzeko
0, Eco, C eta B etiketak dituzten ibilgailuek zirkulatu ahal izango dute, baimendutako ibilgailuez gain.
Berbaz eta kantuz eman diote hauspoa euskarari euskalgintzako hainbat eragilek
Aktore, musikari zein bertsolariak igo dira oholtza gainera euskararen aldeko ekitaldian, eta ikuskizun musikatua eskaini dute Gorka Urbizuk, Maia Ibarnek eta Gontzal Mendibilek, besteak beste. Ane Labaka eta Sustrai Colina bertsolariak ere izan dira taula gainean. Txalo zaparrada batekin eta kantuan bukatu dute aldarrikapen artean abiatu den hitzordua.
Milaka lagun bildu ditu Euskalgintzaren Kontseiluak Bilbon, euskararen aldeko pizkundearen akuilu izan daitezen
Euskararen aldeko pizkunde berri baten premia gizarteratzea eta hizkuntza-politiketan jauzia emateko adostasun soziopolitikoa bultzatzea helburu duen ekitaldia egin dute Bilbao Arenan. 2026ko ekainaren 13rako hitzordua ere jarri dute euskaltzaleek.
23 urteko emakume bat desagertu da Donostian, eta Ertzaintzak ikerketa zabaldu du
Asteazkenean ikusi zuten azkenekoz, Gabon gauean, eta familiak ostiralean aurkeztu zuen salaketa.
Bost urte dira COVID-19aren aurkako lehen txertoak jarri zituztenetik
Bizkaian txertoa jaso zuen lehen emakumea eta txertoa jarri zion erizaina elkartu ditu EITBk, bosgarren urteurrenean. Ikusmina, beldurra, itxaropena eta mesfidantza agerikoak ziren orduan, bizitzen ari ginenarekin zerbait historikoa baitzen. Txertoak iritsita, egoera hobetzen joan zen. Une haiek gogoratu dituzte Begoñak, Itxasok eta Jorgek.
Animaliarik gabeko azoka egin dute Elgoibarren, dermatosi nodularraren ondoriozko debekua berriro ezarri ondoren
Dermatosi nodularrak kezka sortzen jarraitzen du lehen sektorean. Euskal Herrian ez da oraingoz kasurik atzeman, baina Frantzian kasuak ugaritzen ari direla eta, prebentzio modura, ferietan abereak azaltzea debekatu dute berriro. Eta neurri hori betetzen lehen azoka, Elgoibarko Gabon Zaharrekoa izan da.
Espetxeratu egin dute Azkoitian Gabon gauean sexu-erasoa egiten saiatzeagatik atxilotutako gizona
Guardiako epailearen aurrean deklaratu ondoren, epaileak badaezpada espetxeratzeko agindu zuen, sexu-eraso saiakera egotzita.
Idurre Eskisabel: “Euskarak larrialdi linguistikoan jarraituko du ezer egiten ez bada, baina badu irtenbidea”
Euskarak gaur egun bizi duen larrialdi linguistikoa gorabehera, Idurre Eskisabel Euskalgintzaren Kontseiluko idazkari nagusiak azpimarratu du egoerak irtenbidea duela. Euskararekiko atxikimendu soziala funtsezko faktorea dela nabarmendu du, baina norbanakoaren konpromisoa ezinbestekoa den arren, berez ez dela nahikoa eta erantzun estruktural eta politika publiko sendoak behar direla azpimarratu du.
Coruñako aireportua zabaldu dute, pistan basurde bat ikusi ostean hainbat orduz itxita egon eta gero
Madrildik eta Milandik abiatu eta Galiziako aireportuan lur hartu behar zuten bi hegaldi beste aireportu batzuetara bideratu dituzte, eta beste bi aireratzeko baimena noiz emango zain geratu dira.