Eguzkia lagun izango dugu ia Aste Santu guztian
Aurreikusitakoa baino gehiago ikusi dugu eguzkia Aste Santu honetan, eta larunbatean salbu, gainerako egunetan giro atsegina izango dugu, Euskalmet Euskal Meteorologia Agentziaren arabera.
Ostiral Santuko ia ordu gehienetan eguraldi lasaia izango dugu, ostarte zabalekin. Alabaina, gauean hodeiak bueltatuko dira eta zaparrada batzuk botako ditu, bereziki ipar isurialdean. Ez da baztertzen trumoi-ekaitzak egotea. Tenperaturan ez da gorabehera handirik izango, eta maximoak 15-16 gradu artean egongo dira Donostian eta Bilbon, eta 12-13 ºC inguruan Gasteizen eta Iruñean. Mendebaldeko eta hego-mendebaldeko haizea zakar ibiliko da une batzuetan, bolada oso gogorrekin.
Eusko Jaurlaritzako Segurtasun Sailak kostaldeko kalteei dagokion abisu horia ezarri du ostiralerako; izan ere, litekeena da 3 metrotik gorako olatuak izatea. Igandera bitartean luzatuko da abisu horia.
Larunbatean erabat petralduko da aroa. Zerua, oro har, oso hodeitsu egongo da, eta zaparradak botako ditu, bereziki ipar isurialdean. Gainera, ezegonkortasunaren ondorioz, zaparradak trumoitsuak izan daitezke eta txingorra ere bota dezake. Arratsaldean egoerak pixkanaka hobera egingo du; zaparradak gero eta bakanagoak izango dira, eta gauean hodeitza ere saretu egingo da. Mendebal/ipar-mendebaldeko haizea oso zakar ibiliko da goizaldean eta goizean goiz, bereziki kostaldean, baina eguerdirako baretzera egingo du. Tenperatura maximoak pare bat gradu jaitsiko dira.
Igandean nabarmen egingo du hobera. Hegoaldeko haizea nagusituko da, eta tenperatura asko igoko da, bereziki kostaldean, 20 ºC-ren bueltan izango dira bertan beroenak. Zeruan hodeiak eta ostarteak izango ditugu, baina urdinguneak oso zabalak izango dira.
Joeraren arabera, Pazko Astelehenean udaberri giroa izango da nagusi. Tenperaturak atseginak izango dira, 20 ºC ingurukoak, eta zerua erabat urdin egongo ez bada ere, ostarteak gailenduko dira. Hego haize zakarra ibiliko da.
Zure interesekoa izan daiteke
Eusko Jaurlaritzak sektore publikoko langileen soldata % 1,5 igotzea onartu du
Igoera hori otsaileko nominan aplikatuko da, eta atzeraeraginezko ondorioak izango ditu urtarrilaren 1etik aurrera.
Korrika baliatuz 36 migratzaileri muga zeharkatzen lagundu zieten zazpi ekintzaileak errugabe jo dituzte
2024ko martxoan 36 migratzailek Irungo Santiago zubia zeharkatu zuten, Korrikarekin batera eta hainbat ekintzaileren laguntzarekin. Frantziako Justiziak horietako zazpi auzipetu zituen, eta 10 urterainoko zigorra eta 250.000 euroko isuna eskatu zuen haientzat. Gaur, Baionako Auzitegiak errugabe jo ditu.
Eusko Jaurlaritzak 817 milioi euroko inbertsioa onartu du 2030era arte, familiak, haurrak eta nerabeak laguntzeko
Familiei, Haurrei eta Nerabeei Laguntzeko Erakunde arteko Plan berriak (2026-2030) jasotzen dituen neurrien artean dago, besteak beste, haurrak lau urte bete arte, hilero, familiek jasoko duten 200 euroko laguntza. Aurtengo lehenengo hiruhilekoan onartuko du Jaurlaritzak neurri berria eta 2026ko urtarrilaren 1etik izango du eragina.
Emakunderen ikerketa baten arabera, bakarrik bizitzea "ikasketa bat da, aukera bat" adineko emakume askorentzat
'Euskal Autonomia Erkidegoan bakarrik bizi diren adineko emakumeak: emandako gizarte-baimena?' txostenaren arabera, bizilagunik ez izateak du esan nahi bakarrik sentitzen direla, gizarteak adineko emakumeei buruz duen irudi estereotipatutik hori ondorioztatzen den arren.
Duela 5.000 urte izoztutako bakterio batek hamar antibiotikori aurre egin diezaieke eta sendagaiak sortzeko baliagarria izan daiteke
Errumaniako izotz-kobazulo batean isolatuta egon da anduia, eta bi agertoki ekarri ditu: askatuz gero, mikrobioen aurkako erresistentzia larriagotu dezake, baina berrikuntza bioteknologikoei atea ireki diezaieke.
Bost gazte hil dira Manlleun (Bartzelona), trasteleku batean izandako sute batean
Bost gazteek "elkargune" gisa erabiltzen zuten trastelekua, eta oraindik ez dago argi zer egiten ari ziren sua piztu denean. Mossoek baztertu egin dute trastelekua bizitoki moduan erabiltzen zutela.
Hainbat errei itxi dituzte Bizkaian eta Gipuzkoan, luiziak eta ur putzuak direla eta
BI-630 errepidean errei bat itxi dute Karrantza parean, luizi bat izan baita. Halaber, lur-jausi bat izan da N-1 errepidean ere, Idiazabal parean, eta errei bat itxi behar izan dute. Hori guztia dela eta, Segurtasun Sailak arretaz gidatzea gomendatzen du.
Amaitu dira auto-ilarak BI-10 errepidean, Barakaldo parean bi ibilgailuk istripua izan ondoren
Ezbeharra 124. kilometroan gertatu da, Donostiarako noranzkoan, eta bost kilometrorainoko auto-ilarak sortu dira.
Albiste izango dira: Ibaien egoera, noiz atertuko du? eta greba Tubos Reunidosen
Gaurkoan Orain-en albiste izango direnen laburpena, bi hitzetan.
Ibaiak gainezka izan dira gauean, baina egoerak hobera egin du
Prezipitazio handien ondorioz, uholdeak izan dira hainbat tokitan, garajeetan eta etxebizitzetan, batez ere Butroe ibaiaren arroan. Marurin 36 auzokideri eragin die.