Ehiztarientzat 'errespetua' aldarrikatu dute Hego Euskal Herriko hiriburuetan
Milaka lagunek bat egin dute igande honetan Hego Euskal Herriko hiriburuetan Euskal Herriko Ehiztarien Federazioak deitutako manifestazioekin, ehiztarientzat "errespetua" eskatzeko eta ehiza-ekintza "legezkoa eta ingurugiroaren onerako" dela aldarrikatzeko.
Donostiako manifestazioan 10.000 lagun inguru izan dira, antolatzaileen arabera, 'Euskadin Ehiza Bai' lelopean. Gipuzkoako, Arabako eta Nafarroako iparraldeko ehiztariak bildu dira bertan. Hitzordua EAEko eta Gipuzkoako Ehiztarien Federazioek antolatu dute, Ehiza Jasangarria eta Biodibertsitatea Fundazioarekin, Pasapaloma plataformarekin, ArabaCaza ehiza-barrutiarekin eta 80 ehiza-elkarterekin batera.
Gainera, Enba nekazal-elkarteak, Armagile-Elkarteak eta Aralarreko artzainek martxa babestu dute. Espainiar Estatuko 50 udalerritan ere manifestazioak egin dituzte, Espainiako Ehiza Federazioak deituta.
27 urtetan Gipuzkoako hiriburuan ehiztariek egindako lehen mobilizazioa izan da gaurkoa. Jai-giroan egin dute eta, horren amaieran, Miguel Lazpiur Ehiza Jasangarria eta Biodibertsitatea Fundazioaren presidenteak agiria irakurri du. Sare sozialetan ehiztariek pairatzen dituzten "irainen eta mehatxuen amaiera" eskatu du, "ehizak, Euskadin egiten dugun moduan, ingurugiroa babesten laguntzen duelako, eta landa-guneetako ekonomia berpiztu".
Ehiztarien eskubidea aldarrikatu du, ehizan "askatasunez" jarraitzeko. Gainera, ehiztarien kezka batzuetako bat aipatu du, esaterako, Ulia mendiaren ehiza. "Auzitegi Gorenaren ebazpenek legezkoa dela ebatzi arren, auziak blokeatuta jarraitzen du", deitoratu du.
Hitzordua Bilbon
Bilbon ere ehunka ehiztari manifestatu dira, Arriaga Plazan, Bizkaiko eta Arabako ehiza-federazioek deituta, 'Ehizari bai. Bizimodua da' lemapean. Elkarretaratze zaratatsua egin dute, eta Javier Barona Bizkaiko Ehiza Federazioko presidenteak iragarri du ehiztarien aldarrikapenak helaraziko dizkiotela Bizkaiko Foru Aldundiko Nekazaritza Sailari.
Gasteizen eta Nafarroan ere ehizaren aldeko elkarretaratzeak izan dira.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.