Nafarroako Ogasunerako hautagai bat kopiatzen harrapatu dute oposizioetan
Sistema teknologiko sofistikatu bat erabilita kopiatzen ari zen hautagai bat harrapatu zuen joan den apirilaren 24an Nafarroako Gobernuko Ogasuneko Teknikari izateko oposizioko epaimahaiak, Foruzaingoaren laguntzaz. Oposizioko azken aurreko proba zen.
134 hautagai aurkeztu ziren hamar lanpostu betetzeko, eta horietatik hamaikak lortu zuten lehen hiru faseak gainditzea. Epaimahaiak lehendik bati jarrera susmagarria atzeman zionez, Funtzio Publikoaren Zuzendaritza Nagusiari abisua eman zion, eta Zuzendaritza Nagusiak Foruzaingoaren laguntza eskatu zuen.
Egoera ikusita, ustezko iruzurgilea laugarren proban harrapatzeko guztia prestatu zuten. Bi foruzain epaimahaian barneratu ziren, ikasgela zaintzeko laguntzaile gisa; beste bi agentek, berriz, ingurua miatu zuten, beste norbait kanpotik hautagaiari laguntzen ari ote zitzaion jakiteko.
Ikasgelan zeuden poliziak seinaleren bat jasotzen ari zen gailu bat zegoela ohartu ziren. Seinalea areagotu egiten zen hautagaiarengana hurbilduz gero, eta aldendu, urrunduz gero. Horrez gain, susmagarriak boligrafoarekin mugimendu arraroak egiten zituela ikusi zuten.
Agenteek seinalea geldiarazi zuten eta epaimahaiaren esku utzi. Arduradunek baieztatu zutenez, audioaren bidez une horretan egiten ari zen azterketari buruzko informazioa jasotzen ari zen. Horrenbestez, epaimahaiaren presidentea eta foruzain bat hautagaiarengana hurbildu eta kopiatzeko erabiltzen ari zen gailu elektronikoa erakusteko eskatu zioten. Orduan, egiten ari zena onartu zuen.
Azterketako gaiak grabatuta zituen MP3 bat erabiltzen ari zen oposiziogilea, besoan lotuta alkandorapean. Bluetooth bidez entzuten zuen, belarri barruan sartuta zuen gailu txiki batetik. Lehen itxura batean ikusezina zen. Azterketako gaiak aukeratu ahal izateko erabiltzen zuen boligrafoa erabiltzen zuen, aldez aurretik hautatzaile gisa moldatuta egonik, nahi zuen gaia aukeratu ahal izateko.
Iruzurraz ohartuta, epaimahaiak izapidea egin zuen gertaeraren berri emateko eta oposiziotik kanporatu zuten.
Albiste gehiago gizartea
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Renfek 8.000 autobus baino gehiago programatuko ditu uztailaren 25etik irailaren 21era, Gipuzkoan, obrengatik
Konpainiak ohar batean adierazi duenez, lan horien ondorioz, uztailaren 25etik irailaren 21era bitartean eten egin behar da tren zerbitzua aldirietako zerbitzuaren tarte jakin batzuetan eta distantzia ertain eta luzeko ibilbideetan.
Behin-behineko espetxealdia 71 urteko gizon batentzat, neska adingabe bati sexu-erasoa egiteagatik
Uztailaren 1ean, adingabe batek Ertzaintzan jarritako salaketa baten ondorioz, jakin zen 2024. urtearen amaieratik salatzailea adineko gizon batekin sexu-harremanak izatera behartu zuela hirugarren batek, diru-truke.
Luizi handi batek Panticosako (Huesca) bainuetxera doan errepidea moztu du
A-2606 errepidea itxi duen luizi handia ostegunean gertatu zen, ekaitz gogor bat izan ondoren. 300 pertsona inguru geratu dira Panticosako bainuetxean harrapatuta. Langileak lanean ari dira errepidea asteburu honetan bertan ireki ahal izateko.
Arrasaten sute batean zauritutako gizona hil egin da
Sutea ostegunean jazo zen, etxebizitza-bloke bateko sotoetan. 41 urteko gizona Gurutzetako Ospitalean hil da.
Renfe programa más de 8000 circulaciones de autobuses del 25 de julio al 21 de septiembre en Gipuzkoa por obras
En un comunicado, Renfe ha indicado que estos trabajos obligan a la interrupción del servicio ferroviario entre el 25 de julio y el 21 de septiembre en determinados tramos del servicio de Cercanías y los trayectos de Media y Larga Distancia.
Iruñea goitik behera prestatzen ari da igandean lehertuko den festa hartzeko
Bisitariak iritsi eta iritsi ari direlarik, lanean jo eta su ari dira hiritar asko eta asko, festan murgiltzerako dena prest egon dadin. Ostalariak, dendariak, ostatuetako langileak, segurtasun langileak, Udal-brigadak... Izan ere, ez da ezer falta jaia lehertzeko.
Uztailaren 7ko entzierroa, zuzenean
Uztailaren 7ko entzierroa, zuzenean Orainen, 7: 45etatik aurrera.