Euskadiko hiru jatetxe, munduko onenen artean, 51-100 zerrendan
Munduko 50 Jatetxerik Onenak izeneko taldeak gaur jakitera eman duenez, '51tik 100era zerrendan' Euskal Autonomia Erkidegoko (EAE) hiru jatetxe daude, Espainiako Estatuko beste hiru lokalekin batera.
Albert Adriaren Enigma jatetxea (Bartzelona) 95. tokian sartu da zerrendan. Era berean, Getariko (Gipuzkoa) Elkano jatetxeak 77. lekuan egin du debuta.
Gainera, Bilboko Nerua jatetxea 57. sailkatu da eta Deniako (Alacant) Quique Dacosta 68. Munduko 50 jatetxe onenen sari banaketa Bilbon izango da, ekainaren 19an.
Estatuko ordezkaritza beste bi jatetxek osatzen dute zerrendan: Lasarteko (Gipuzkoa) Martin Berasategi (76) eta Dabiz Muñoz sukaldariaren Diverxo (Madril, 96).
Honenbestez, 12 herrialdetako 15 jatetxe sartu berri dira zerrendaren bigarren zatian. Guztira, bost kontinenteetako 23 herrialdek lortu dute ordezkaritza.
Zerrendako lehen zatiaren irabazleak ezagutzeko ekitaldia hartuko du Bilboko Euskalduna Jauregiak datorren asteartean: munduko 50 jatetxe onenak.
Sari banaketa Melbournen (Australia) egin zuten iaz, eta New Yorken (AEB) 2016an.
Munduko 1.000 aditu baino gehiagok botoa eman dute, 100 jatetxe onenen sailkapena zehazteko; horietako bakoitzak 10 boto eman ditu. Boz horietatik lauk boto-emailearen eskualdetik kanpo dauden jatetxeak saritu behar dituzte.
Zure interesekoa izan daiteke
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.