Moyuako Metro geltokia jatetxeen galeria bihurtu da
Moyuako Metro geltokia jatetxeen galeria bihurtu da, Bilbon. 'World's 50 best restaurants' sari banaketa ekainaren 19an egingo dute Euskalduna Jauregian, Bizkaiko hiriburuan. Sariak gastronomiaren Oscarrak dira.
Aldez aurretik, Bizkaiko Foru Aldundiak ekimen ezberdinak jarriko ditu abian, hitzorduaren berri emateko. Munduko 50 jatetxerik onenak sarituko dituzte Euskaldunako zeremonian.
Imanol Pradales Ekonomia eta Lurralde Garapenerako foru diputatuak geltokia bisitatu du gaur. Ekimenen helburua herritarrek “parte hartzea eta gozatzea” dela esan du Pradalesek.
Ekainaren 16tik 20ra izango diren ekitaldien egutegia ez du zehaztu izan nahi agintariak, baina sukaldarien oturuntza tradizionala ekainaren 18an, Atxondoko (Bizkaia) plazan, egingo dutela aurreratu du. “Onenek onenentzako janaria prestatuko dute”, goraipatu du buruzagiak.
Egun horretan bertan, goizean, Bilboko Guggenheim Museoak artea eta gastronomia uztartuko dituen hitzordua hartuko du; eta aurreko egunean, Donostiako Basque Culinary Centerren joera eta berritasun gastronomikoen inguruko hitzaldiak izango dira.
Pradalesen hitzetan, sukaldari, kritikari eta kazetari espezializatuen artean, Bilbora ia mila pertsona ekarriko ditu 'World's 50 best restaurants' sari banaketak, baina Bizkaiarentzako eta Euskadirentzako “funtsezkoa, nazioartean izango duen sona mediatikoa” izango da.
Bestalde, Bilbaodendak elkarteak bertako gastronomiari “garrantzia eman” nahi izan dio, eta Bilboko 50 jatetxe, taberna eta denda onenak aukeratuko ditu.
Zure interesekoa izan daiteke
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendu-unitatea Estatuko zazpietako bat da, eta arrisku handiko infekzioei aurre egiteko etengabe entrenatzen dira bertako profesionalak.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.