Gazte talde batek Ertzaintzari aurre egin dio Algortako jaietan
Algorta auzo getxoztarreko jaietan zebilen gazte talde batek aurre egin zion Ertzaintzari atzo goizaldean, uztailak 31, musika eramateko erabiltzen ari ziren orga bat kendu eta gero.
Getxoko Udalak hedabideei igorritako ohar baten bidez zabaldu duenez, San Inazio eguneko goizaldean, pertsona talde batek orga bat eraman zuen Algortako kaleetatik "bozgorailuekin eta musika-erreproduzigailu batekin, bolumen handian", San Inazioko jaietako txosnak itxitakoan.
Hainbat bizilagunek kexa adierazi ostean, Udaltzaingoak orga kendu zien 05:45 inguruan, Basagoiti etorbidean, San Nikolas plazaren parean.
Ondoren, agenteak orga furgonetan sartzen ari zirela, Sarrikobaso eta Telletxe kaleen bidegurutzean, gazteak biltzen hasi ziren.
Edukiontziak zeharkatuta, Algortako Telletxe kalean. WhatsApp bidez jasotako argazkia
Orga sartu zutenean, eta liskarrak ekiditeko asmoz, agenteek handik alde egitea erabaki zuten, eta polizia-etxera abiatu ziren.
Agenteek alde egin zutenean, gazte talde batek zenbait edukiontzi irauli zituzten, baina ez zen gertakari larri gehiagorik izan.
Udal gobernuak gaitzetsi egin ditu istiluak, eta Udaltzaingoak auzokideen eskubideak babesteko erakutsitako "profesionaltasuna eta konpromisoa" goraipatu ditu.
Albiste gehiago gizartea
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago atxilotua beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok lo okerrago egiten du, maila zentralean gure tenperatura jaitsi egin behar delako lo hartzeko eta egun hauetako beroarekin zailagoa delako. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
EHUk irudi berria aurkeztu du Chillida-Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute eta Leire Berasaluzek abestu du.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea min iraunkorra mendekotasunean erori gabe tratatzeko.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.
Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei
Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.
Alarde zatitua beste urte batez Irunen, San Martzial egunarekin batera
7:40an atera da Alarde Tradizionala, eta 10:20ean hasi du ibilbidea Parekideak.
Gizon bat hil da Donostian, istripuz, patinetean zebilela
55 urteko gizaseme bat hil da Altza auzoan, istripuz. Familiak salatu duenez, patinetearen kontrola galdu zuen txarto zegoen estolda batetik pasatzean, eta ingurua konpontzeko eskatu diote Udalari.