Jaurlaritza eta Nafarroako Gobernua Immigrazio Batzordearen bileran izango dira gaur
Espainiako Gobernuak Immigrazio Batzordearen bilera egingo du astelehen honetan, Madrilen, 17:00etan. Autonomia erkidegoetako ordezkariekin batzartuko da, eta bertan izango dira Eusko Jaurlaritza eta Nafarroako Gobernua ere. Besteak beste, mugetako segurtasuna mantentzea eta giza eskubideak bermatzea izango dute hizpide.
Eusko Jaurlaritzaren izenean, Beatriz Artolazabal Enplegu eta Gizarte Politiketako sailburua izango da Madrilen egingo duten bileran. Bakarrik iristen diren adingabeen egoera aztertu eta ardurak autonomia erkidego guztien artean banatzea babestuko du. Halaber, Espainiako Gobernuak nola planifikatu, koordinatu eta kudeatuko duen Espainia hegoaldeko kostara igarobidean iritsi diren migratzaileen igoera jakin nahi du. Nafarroako Gobernuaren izenean, Gema Mañu Gizarteratzeko eta Babes Sozialerako zuzendaria joango da.
Hiru urte dira Immigrazio Batzordeak bilerarik egin ez duela, eta Bruselak EBra iristen diren migratzaileei premiazko laguntza emateko hiru milioi euro gehiagoko diru-laguntza iragarri ostean deitu dute batzarra.
Pedro Sanchezen Gobernuak migrazioaren inguruan bultzatuko dituen politiken berri emango du. Mugetako segurtasuna mantentzea eta giza eskubideak errespetatzea dira Espainiako Gobernuaren migrazio politikaren bi zutabe nagusiak. Bakarrik iristen diren adingabeen egoera eta asilo eta babeserako bulegoaren erreforma plana ere aztertuko dituzte.
Ekainetik, 1.024 migratzaile jaso ditu Euskadik, eta ia guztiek Europa erdialdea zuten helmuga. Adin txikiko migratzaileei dagokienez, Bizkaian jasotzen dituzte gehien, Ceuta eta Melillaren ostean, biztanle-dentsitatea kontuan izanda.
Zure interesekoa izan daiteke
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran hartu dute azken erabakia eta proiektuaren bideragarritasun falta izan da baztertzearen arrazoi nagusia.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak Guggenheim Museoa Urdaibain zabaltzeko 'ezetza' islatzen du, baina 'baietza' eskualdeko garapenari
Herritarren artean entzute prozesua gidatu duen Agirre Lehendakaria Centerrek azaldu duenez, "hasierako narratiba" horien zati esanguratsu bat "beste joera batera" mugitu da hilabeteetan zehar. Izan ere, Urdaibaiko Guggenheimaren aurkako iritziak jaso dira, baina baita eskualdearen garapenaren aldeko jarrerak.
Korrika egitea, osasuntsu zahartzeko: Fernando eta Leopoldo, 81 eta 76 urterekin korrika egiten jarraitzen duten beteranoak
Fernandok 31 Behodia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik bere ongizate fisikoagatik, gaixotasunak prebenitzen eta zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.
Etxegabe bat hil da Donostiako Easo plazan
Hasierako zantzuen arabera, autopsiaren zain, berez hil da. Plazako kioskoan lurrera erori da, antza denez, gaua bertan igaro ostean.
Nafarroa osoan "mugimendu euskaltzalea suspertzea" eta euskararen ofizialtasuna aldarrikatu ditu Euskalgintzaren Kontseiluak
Euskararen Foru Legea onartu zeneko 39. urteurrenean, plataformak salatu du zonifikazioak "oinarrizko eskubideak ukatzen" dituela eta nafarren artean arrakala bat sortu, eta abenduaren 27an Bilbon egingo den ekitaldian parte hartzera deitu ditu herritarrak.
Zestoako sei herritar salatu dituen gizonezkoak epailearen aurrean esan du "bizitza hondatu"diotela auzipetuek
Akusatuen artean dago salaketa jarri duen gizonezkoaren bikotekide ohia, baita Zestoako alkatea ere —gertakariak izan zirenean zinegotzia zen—. Akusazio partikularrak bost urte arteko espetxe zigorrak eskatu ditu, eta mugimendu feministak salatu du elkartasun feminista ari direla epaitzen.
Albiste izango dira: Guggenheim Urdaibai proiektuari buruzko erabakia, greba orokorra eta ETB ON plataformaren aurkezpena
Gaurkoan Orain-en albiste izango direnen laburpena, bi hitzetan.