Migratzaileei erantzun humanitario emateko konpromisoa berretsi du Urkulluk
Iñigo Urkullu lehendakariak euskal erakundeen "solidaritatea konpromisoa" berretsi du Euskadira iristen diren migratzaile eta errefuxiatuei eman beharreko erantzun humanitarioa optimizatzeko.
Igandean hasi eta ostegunera bitartean, Jesuiten Goi Mailako Hezkuntza Erakundeen Munduko Batzarra egingo dute Bilbon, Deustuko unibertsitatean, eta inaugurazio ekitaldian izan da lehendakaria. Datozen egunetan, mundu osoko 200 jesuiten unibertsitate inguru elkartuko dira Bizkaiko hiriburuan.
Lehendakariak azaldu duenez, euskal erakundek bilera egingo dute arratsalde honetan, Europara bidean azken asteetan Euskal Autonomia Erkidegora (EAE) iritsi diren migratzailei eman beharreko "erantzun humanitarioa optimizatzeko".
Urkulluk euskal erakundeen konpromiso "argia eta integrala" berretsi du, epe laburrean sortutako aurreikusi gabeko egoerei erantzuna emateko. Aurreratu duenez, epe ertainean, "hausnarketa estrategiko bat planteatuko da erronka bikoitzari aurre egiteko: migrazioa eta demokrazia".
Bestalde, "indarkeriaren eta terrorismoaren tunel ilunetik irteteko" EAEn egindako ahalegina azpimarratu du Urkulluk. "Gure egitekoa Euskadin bakearen kultura indartzeko elkarrekin lan egiten jarraitzea da, giza eskubideekiko errespetuan eta pluralismoan oinarritutako elkarbizitza finkatzea, eta elkarrekin eta bakean bizitzeko determinazioa balio partekatuen mailara igotzea".
Zure interesekoa izan daiteke
Gogora Institutuak Falange Espainolaren mehatxuak salatu ditu Ertzaintzaren aurrean
Pradalesek iragarri du 340 milioi euro bideratuko dituela eraikin publikoak eta etxebizitzak klimatizatzeko
PSE pozik agertu da Jaurlaritzak politikan, enpleguan eta etxebizitzan erabilitako politikekin
Pradalesek absentismoari buruzko herri akordioa babestu eta lanbidearteko gutxieneko soldatan "marra gorririk gabe" aurrera egin nahi du
Segurtasun ezaz eta immigrazio irregularraz hitz egin ez izana leporatu dio Voxek Pradalesi
EH Bilduk autogobernuan "lider" izan dadila eskatu dio Pradalesi
Alba Garcia: "Lehendakariak ardura gehiago bere gain hartu beharko lukeela uste dut"
Laura Garridok Pradalesek "enpatia falta" duela eta "autokonplazentzia" darabilela kritikatu du
Diez Antxustegi: "Lehendakaria jendearengandik oso gertu dagoela uste dut"
