Aguraingo Aldanondo gaztandegia kiskali da, sute baten ondorioz
Aldanondo gaztandegiak Aguraingo (Araba) industrialde batean duen lantegia kiskali da astelehen goizean, Segurtasun Sailak jakitera eman duenez.
Sutea 01:15ean piztu da, eta ez zegoen langilerik bertan; beraz, ez da inor zauritu. Oraindik ez dakite zerk piztu duen sua.
Suhiltzaileak bertaratu dira, sutea itzali eta beste pabiloietara zabaltzea ekiditeko. Goizeko lehen ordurako hartu dute kontrolpean sutea.
Arabako Foru Aldundiak kezka adierazi du enpresaren eta bertan lan egiten duten 55 pertsonen etorkizunaren aurrean, eta laguntzeko prest agertu da, egoerari aurre egin ahal izateko.
Lehen orduan jarri dira harremanetan Arabako Foru Aldundiko ordezkariak Aguraingo Udalarekin, batetik, eta Aldanondoko arduradunekin, bestetik.
Eduardo Aguinaco Nekazaritza Saileko diputatua sutea izan den lekura joan da, informazioa bertatik bertara jasotzera eta Aldanondoko arduradunei bilera bat egiteko "erabateko prestasuna" agertzera, suteak eragindako egoera konpontzeko aukerak aztertze aldera.
Bi milioi kilo gazta
Aldanondoko gaztandegian bi milioi kilo gazta inguru zeuden. Enpresatik adierazi dutenez, "hondamendia" izan da, eta galera "oso handiak" izango dituztela aurreikusi dute. Datozen egunotan zehaztuko dute zenbaterainoko kalteak izan dituzten.
Mikel Aldanondok Eferi adierazi dionaren arabera, enpresak beste planta batzuk dauzka, Olaberrian (Gipuzkoa) bata eta Galdakaon (Bizkaia) bestea, baina kiskali den lantegian egiten dute gazta.
Aldanondoren esanetan, kaltea erabatekoa da, eta lantegi osoa erre da sutean, eta bulegoen zati bat. "Gainerakoa, makinak, ekoizpen gunea, biltegia, kiskalita dago dena", azaldu du.
Gaineratu duenez, alarmei esker izan dute sutearen berri, eta sentsore kopuru handia aktibatu direlako jakin dute suhiltzaileak bidali behar zituztela.
Aldanondo enpresak 50 urte baino gehiago daramatza gaztagintzan, eta, besteak beste, Idiazabal, Erronkari, Arzua-Ulloa eta Tetilla gaztak egiten ditu.
Zure interesekoa izan daiteke
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia geldiarazteko hartutako erabakia, eta berehalako azalpenak eskatu ditu kasuaren osasun-kudeaketako protokolo-aldaketari buruz.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.
Gabonetako Loteriako behar baino txartel gehiago saldu zituela aitortu du Arratiko Zekorrak errugbi taldeak
Gabonetako Loteriak 15 milioi euro utzi zituen Igorren, Arratiko Zekorrak errugbi taldeak saldutako 90.693 zenbakiari esker. Hala ere, oraindik bada saria kobratzerik izan ez duenik —guztira, 2,2 milioi euro—, klubak behar baino 225 partizipazio gehiago saldu zituelako. Klubak baieztatu du 80 kaltetu inguru direla.
Auto-ilarak BI-30 errepidean, Txorierriko igarobidean, Erandion bi ibilgailuk istripua izan ostean
Ezbeharra 12. kilometroaren parean gertatu da, eta zirkulazioa murriztu behar izan dute Galdakaorako noranzkoan.
Hantabirusa agertutako gurutzaontzia Kanarietan atrakatzeko baimena eman du Espainiako Gonbernuak, eta larri dagoen medikua han artatuko dute
147 lagun daude ontzian, eta hiru hildako daude. Cabo Verden dago, eta hiruzpalau egun barru artxipelagora iristea espero dute. Bertan, larri dagoen medikua artatuko dute.
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.