Foruzaingoak eta Polizia Nazionalak Maravillas gaztetxea hustu dute
Foruzaingoak eta Polizia Nazionalak osatutako operatibo baten bidez Maravillas gaztetxea hustu egin dute gaur, ostirala, Iruñeko Rozalejoko markesaren jauregian.
Foruzaingoak jakinarazi duenez, gaztetxea husteko operazioa 05:00etan abiatu dute, eta barruan zeuden 20 bat gazteak atera dituzte jada.
Dozenaka gazte elkartu dira jauregiaren inguruko kaleetan, operatiboaren aurka egiteko, eta agenteak haien aurka oldartu, eta tentsio uneak sortu dira.
Gaztetxetik salatu dutenez, bi pertsona ospitalera eraman dituzte, oldarraldi horien ondorioz.
Asteartean, Maravillas gaztetxeko kideekin hitz egiteko prest agertu zen Uxue Barkos Nafarroako Gobernuko presidentea, baina "arazorik gabeko kanporatze ordenatua" eskatu zion kolektiboari. Gainera, Rozalejoko markesaren jauregia Gobernuaren jabegoa dela esan, eta eraikin okupatua "nafar guztiena" dela azpimarratu zuen.
Gaztetxea husteko prozedura judiziala abian dela azaldu zuen Barkosek, eta epeak ezin direla "nahi bezala luzatu" ohartarazi zien gazteei.
Hala, epaileak eraikina husteko agindua eman aurretik, "inorentzako arazorik gabeko kanporatze ordenatua" egitea eskatu zien gazteei.
Atzo, bestalde, Joseba Asiron Iruñeko alkateak adierazi zuenez, Maravillas gaztetxearen "aldebakarreko husteak zatiketa handituko luke".
"Elkarrizketarako garaia iritsi da; alde guztiak elkartzeko ordua da, azken finean, denon nahia horixe baita", esan zuen.
Edozelan ere, hala eskatuz gero, "elkarlanean aritzearen alde" agertu zen Asiron.
Arrautzak, EAJren egoitzaren kontra
EAJk Nafarroan duen egoitzaren kontra, ostiral honetan, arrautzak eta beste hainbat objektu bota dituzte, hustea amaituta. EAJ Foru Gobernuan agintzen duen Geroa Bai koalizioan dago; "erasoa" salatu du EAJk, eta "faxismo hutsa" delakoan dago.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.