Lau gizon eta zazpi emakume Aliciaren ustezko hiltzailea epaitzen ari dira Gasteizen
Alicia 17 hilabeteko haurtxoaren ustezko hiltzailea epaitzeko zazpi emakume eta lau gizon aukeratu dituzte Gasteizen. Gizonak ustez umetxoa leihotik bota zuen, eta ondoren ama hiltzen saiatu zen. Epaiketa gaur hasi da Arabako Lurralde-auzitegian.
Epaiketaren lehen saioan bederatzi pertsona horiek eta beste bi ordezko aukeratu dituzte, herri-epaimahaia osatzeko. Krimenak Gasteiz astindu zuen 2016ko urtarrilaren 25ean.
Epaimahaia aukeratu ondoren, gertakariak kalifikatzeko aukera izan dute aldeek. Hala ere, saioa baino lehen, Jesus Poncela magistratuak, auzitegiko epaimahaiaren presidenteak, autoa plazaratu du, eta horrek aldeen azalpenak baldintzatu ditu.
Epaitu beharreko gertakariak mugatu ditu magistratuak, eta ama hiltzeko saiakeran azpikeriarik eta ankerkeriarik izan ez zela argudiatu du; ondorioz, ezin da hilketa saiakera zigorrik eskatu, nahiz eta bi akusazio partikularrek eta herri akusazioak (Clara Campoamor elkartea) hori aldarrikatu.
Euskadin aurrenekoz, espetxe iraunkor berrikusgarria eskatu dute hiru akusazioek eta Fiskaltzak, haurtxoa azpikeriaz hil zuela leporatuta. Horrela, akusatuak 25 eta 35 urte arteko kartzela-zigorra bete beharko luke, zigorra berriz aztertu baino lehen.
Bestalde, ustezko hiltzaileak diagnostikatu gabeko eskizofrenia paranoide larria duela argudiatu du defentsak. Abokatuaren hitzetan, umetxoa ankerkeriaren haragitze bezala ikusi zuen gizonak, kanabisaren eta alkoholaren kontsumoak areagotuta. Horregatik, erotasunagatik salbuestea eskatu du defentsak.
Asteazken honetan, epaiketaren bigarren saioan, akusatuak deklaratuko du. Musika irakasleak 30 urte zituen gertakariak jazo zirenean. Era berean, hildako umetxoaren aitak eta amak testigantza emango dute. Amak 18 urte ditu, eta Burgosen bizi da.
Akusatua epaiketan deklaratzeko gai dela baieztatu dute bi medikuk gaurko saioan, defentsak haren osasun egoera zalantzan jarri ondoren.
Litekeena da epaiketa irailaren 12ra arte luzatzea.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.