Zigor 'eredugarria' eskatu dute Alicia umearen ustezko hiltzailearentzat
2016ko urtarrilean, Gasteizen, Alicia 17 hilabeteko haurra leihotik jaurtita hil omen zuen gizonezkoaren aurkako epaiketa astearte honetan hasi da Arabako Probintzia Auzitegian, eta Jose Miguel Fernandez Clara Campoamor Elkarteak Euskadin duen ordezkariak esan duenez, zigor "eredugarria"rekin amaitzea espero du.
Alicia umea ustez hil zuen gizonak gertaerak izan zirenean 30 urte zituen. Astearte honetan Arabako Probintzia Auzitegiko Zigor Sekzioan hasi dute haren aurkako epaiketa. Gaurko saioan, herri-epaimahaia osatuko duten kideak izendatuko dituzte, eta auzipetuaren etorkizunari buruzko erabakia hartu beharko dute.
Ministerio Fiskalak eta herri-akusazioak, Clara Campoamor Elkarteak burututakoak, espetxe iraunkor berrikusgarria eskatu dute gizonezkoaren aurka, hilketa delitua egotzita. Gainera, haurraren ama hiltzen saiatzea leporatzen die.
Zigor hori jasotzekotan, auzipetuak gutxienez 25 eta 35 urte artean pasatu beharko lituzke kartzelan, espetxealdia berrikusi baino lehen. Erotasunagatik salbuesle osoa aplikatzea eskatu du defentsak.
Bista irailaren 12ra arte izango da
Iturri judizialek jakinarazi dutenez, ahozko epaiketa irailaren 12an amaituko da. Daniel Montaño akusatuak eta Aliciaren gurasoek irailaren 5ean deklaratuko dute.
Arabako Fiskaltzak espetxealdi iraunkor berrikusgarria eskatu du akusatuarentzat. Ministerio Publikoak azpikeriaz egindako hilketa delitua leporatzen dio Daniel Montañori. Gainera, haurraren ama hiltzen saiatzea ere leporatu dio.
Espetxealdi iraunkor berrikusgarriaz gain, 9 urte eta 9 hilabeteko kartzela zigorra eskatuko fiskalak gizonezkoarentzat bigarren delitu horregatik. Defentsak, bere aldetik, inguruabar salbuesle osoa aplikatzea eskatu du, erotasuna argudiatuta. 25 eta 35 urte arteko espetxe-zigorra ezar diezaiokete akusatuari, espetxealdia berrikusi aurretik.
Gertaeren kontaketa
Fiskaltzak egindako gertaeren kontaketaren arabera, akusatua ezagutu berri zuen emakume gazte baten etxean zegoen 2016ko urtarrilaren 24tik 25erako gauean, Gasteizen, Askatasun kalean.
03:30ean, emakumea eta alaba txikia lotan zeuden logelara sartu zen gizona, eta eskua umearen bularraren gainean jarri zuen, "indarra eginez". Ama esnatu egin zen orduan, eta aurre egin zion gizonari. Horren ostean, gizona emakumezkoari erasotzen hasi zen.
Bat-batean, gizonak balkoira eraman zuen ama, arrastaka, eta haurtxoa hartu, eta leihotik bota zuen, "hura hiltzeko asmoz".
Ondoren, akusatua emakumea hiltzen saiatu zen, baina horrek ihes egitea lortu zuen.
Espetxe-zigorra ez ezik, 10 urtez emakumearengandik 500 metrora urruntzeko agindua ezartzea eta 100.000 euroko kalte-ordainak ematea ere eskatuko du Fiskaltzak.
Akusatua 2016ko urtarrilaren 25ean atxilotu zuten, eta behin-behineko espetxealdian dago ordutik.
Epaiketan herri-akusazio gisa arituko den Clara Campoamor elkarteak, Fiskaltzak bezala, akusatuari espetxealdi iraunkorra ezartzea eskatuko du, eta 20 urteko kartzela-zigorraz gain.
__________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
EHUren festa erraldoia
Ikasketak amaitzen dituzten 4.000 ikasle inguru elkartu dira EHUko graduazio ekitaldi handian. Nøgen, Janus Lester, Maialen Lujanbio eta Amets Arzallus aritu dira oholtza gainean. EHUk txapela eman die graduatuei, birretak eman beharrean.
Errenteriako abusu kasuen erabilera politikoa salatu du Asanblada Feministak
Errenteriako Asanblada Feministak elkarretaratzea deitu du ostiral arratsalde honetarako, azken hilabetean ezagutu diren bi sexu-abusu kasuen instrumentalizazioa salatzeko. Udalak egindako kudeaketa eskertu dute, eta salatu dute legelari, kazetari eta alderdi politiko batzuek etekin politikoa bilatzeko erabili dituztela kasu horiek.
Tenperatura altuen aurrean babesteko deia egin du Bilboko Udalak, eta 6 hondartza berde atondu ditu
Asteburu honetako bero boladaren aurrean, Udalak gogorarazi du 134 aterpe klimatiko dituela, eta biztanleen % 96k etxetik 300 metro baino gutxiagora dutela horietakoren bat.
Desobedientziarekin erantzun diote Seaskako ikasleek baxoko matematika azterketari
Hego Euskal Herrian selektibitatea amaitu ostean, gaur abiatu da Ipar Euskal Herrian baxoa. Seaskako ikasleek desobedientzia ekintza egin dute, eta ofizialki frantsesez egin behar duten matematikako azterketa euskaraz egin dute. Baxoa osorik euskaraz egin ahal izatea eskatzeko elkarretaratzea egin dute.
Borondatezko abortuak Osakidetzan egiteko proiektu pilotu bat abiatuko du urrian Eusko Jaurlaritzak
Gaur egun, osasun arrazoiengatik egiten diren abortuez bakarrik arduratzen da Osakidetza, eta zentro pribatuetara bideratzen ditu beren borondatez haurdunaldia eten nahi duten emakumeak.
Trafiko murrizketa handiak izango dira Bilbon EHUren graduazio ekitaldiak eta Iberdrolaren urteurrenak eraginda
Murrizketa handienak 20:00etatik aurrera izango dira, orduan hainbat kale eta Salbeko eta Deustuko zubiak itxiko baitituzte.
EHUk graduazio ekitaldi handia egingo du gaur San Mamesen
Lehen aldiz, Euskal Herriko unibertsitate publikoan ikasketak amaitzen dituzten gradu eta graduondoko azken urteko 4.000 ikasle baino gehiago bilduko dira ekitaldi bakarrean. Jaia 18:30ean hasiko da, eta, besteak beste, Nogen eta Janus Lester taldeak eta Maialen Lujanbio eta Amets Arzallus bertsolariak arituko dira bertan.
Oztopoen aurrean 'sare sendo bat' osatzen dutela adierazi dute 115 zentroetako lehendakariek
Euskal Herriko 115 ikastoletako lehendakariek agerraldi jendetsua egin dute gaur arratsaldean Hernanin (Gipuzkoa). Azken boladan izandako auzien balorazioa egiteko eta emandako erantzun kolektiboaren balioa goratzeko agerraldia izan da. Ekitaldian, Oier Sanjurjo Nafarroako Ikastolen Elkarteko lehendakariak, Erik Etxart Seaskako lehendakaritzako kideak eta Nekane Artola Ikastolen Elkarteko lehendakariak hartu dute hitza. Azkenaldiko oztopoen aurrean ere 'indartsu eta gogotsu' arituko direla 'euskarazko hezkuntza baten alde' adierazi dute. Bi kasu aipatu dituzte bereziki: Lodosako kasua: Nafarroako Gobernuak Ibaialde ikastolari Haur Hezkuntzako ituna kentzeko egindako saiakera eta eskualdeak emandako babesa. Baxoaren borroka: Ipar Euskal Herrian azterketak euskaraz egin ahal izateko ikasle zein eragileek erakutsitako konpromisoa.
Leon XIV.a Kanaria Handian: "Giza duintasunak ez du pasaporterik"
Espainiara egindako bisitan, Aita Santuak Arguineguin herriko kaia bisitatu du, Kanaria Handiaren hegoaldean. Bertara iristen dira Afrikako migratzaileak dakartzaten txalupetako asko. Ekitaldian, testigantza oso gogorrak entzun dira, eta Leon XIV.ak gizakiaren duintasuna defendatu du.
Gorpu bat topatu dute Iruñean, kale erdian, indarkeria zantzuekin
Gorpua 16:30 aldera topatu dute, Etxabakoitzeko igogailuaren ondoan dagoen lorategi batean, Iruñeko Remiro de Goñi kalean, eta "lehen zantzuen arabera, indarkeriazko heriotza izan da".