Ibaiondo zentroak ukatu egin du gazteek eta langileek sexu harremanak izan dituztela
Zumarragako Ibaiondo adingabeentzako zentroko zuzendaritzak ukatu egin du adin txikikoek eta hezitzaileek sexu harremanak izan dituztela. Eusko Jaurlaritzak, bere aldetik, ez dauka ustez zentroko zaintzaile batek jarritako salaketaren berri. Antza denez, zentroko segurtasun zaintzaile batek aurkeztu du salaketa, egoitzan ustez adingabeek eta hezitzaileek "harreman intimoak" izan dituztela eta droga trafiko kasuak ere egon direla argudiatuta.
Loly de Juan Eusko Jaurlaritzako Justizia zuzendariak azaldu duenez, bere Sailak ez dauka ustez segurtasun zaintzaile batek jarritako salaketaren berri. Dena den, Ibaiondoko zuzendariek esan omen dio "ez dela egia", baina zentro "itxia" izaki, zenbaitetan substantzia estupefazienteak sartzeko ahaleginak egoten direla eta "ia beti konfiskatu" eta "ahalegin hutsean" geratzen direla. "Sexu harremanak egon direla ukatu du zuzendariak, bai izan direla eta baita zuzendaritzari jakinarazi zaiola ere", nabarmendu du.
Bilbon egin den liburu baten aurkezpenean eman ditu azalpenak Justizia zuzendariak.
De Juanen arabera, ez bere Sailak eta ezta zentroko zuzendariak ere ez daukate salatutako ekintzen inguruko daturik, baina egia izatekotan "oso larriak" lirateke. Hori dela eta, F¡skaltzari informazioa helarazteko eskatu dio.
Ildo horretan, egia izan ala ez, Eusko Jaurlaritzak neurriak hartuko dituela iragarri du.
Azkenik, egoera aztertzeko langileekin bilera bat egiteko proposamena egin omen dio De Juanek Ibaiondo zentroko zuzendariari.
Bestalde, Justizia Saileko iturriek aurreratu dutenez, salatzailea zentroko zaintzaile ohi bat da.
Albiste gehiago gizartea
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
LGTBI Harrotasunak kalea hartuko du berriro: martxak eta ekitaldi ugari, eskubideak aldarrikatzeko
Bilbon, martxa nagusia 12:00etan abiatuko da Casillatik. Gasteizen, Donostian eta Iruñean arratsaldean izango dira manifestazioak.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.
Motor-gidari bat hil da trafiko-istripuan Errezilen
Ezbeharra 17:45 inguruan gertatu da, Errezilen, GI-2634 errepidetik zihoan motozikleta bat bidetik atera denean. Gidaria, gizonezkoa, istripua izan den tokian bertan hil da.
"Profil etnikoaren araberako kontrolak egiteari" uztea eskatu diete Ertzaintzari eta udaltzaingoei
SOS Arrazakeriak gogorarazi du Giza Eskubideen Europako Auzitegiak Frantzia zigortu berri duela "kontrol arrazistak egiteagatik".
46 urteko barañaindar bat hil da Puiun, auto batek eta kamioi batek aurrez aurre talka eginda
58 urteko kamioilaria, berriz, onik atera da. Kamioia errepidetik atera eta irauli egin da.
Erripa, Nafarroa, Adiskidetasun, Villarias eta Askao kaleetako trafikoa moztu eta aparkelakuak okupatuko dituzte Erripa kalean larunbat honetan
BBK Fundazioaren X. urteurrenaren harira itsasadarrean programatutako BBK Ria jaialdia dela-eta egingo dituzte kale-mozketak. Seinalistak egongo dira eragindako eremuetako garajeetako sartu-irtenak bideratzeko. Bilbobuseko zerbitzuan ere egongo dira aldaketak, eta horren inguruko informazioa izango da Bilbobusen aplikazioan eta markesinetan.