Gizon batek bi alabak hil ditu Castellon
Gizon batek bere bi alabak, 3 eta 6 urtekoak, labanaz hil ditu bart Castellon, eta ondoren, bere buruaz beste egin du, osasun iturriek jakinarazi dutenez.
Hilketa 05:30ean jazo da aitak Rio Adra kalean zuen etxebizitzan. Gizonak 48 urte zituen, eta ez zen bikotekidearekin bizi.
Iturri berberen arabera, umeen ama eta amama beste etxebizitza batean bizi dira, eta ospitalera eraman dituzte arreta psikologikoa emateko.
Bi prozedura gizonaren kontra
Valentziako Auzitegi Nagusiak jakinarazi duenez, gizonaren kontrako bi prozedura zabaldu zituzten, baina azkenean artxibatu egin zituzten, Fiskaltzak eta emakumeak berak eskatuta.
Aurrenekoa, 2018ko urtarrilekoa, ofizioz abiatu zuten parte mediko bat tarteko. Emakumeak ez zuen salaketa aurkeztu nahi izan. Otsailean, berriz, mehatxuengatik salatu zuen gizona, eta urruntze agindua eskatu zuen. Epaileak eta fiskalak ez zuten beharrezko ikusi, eta erresatu egin zuten. Emakumeak helegitea jarri zuen, baina auziak luze jotzen zuela ikusita, "aurrera ez egitea" erabaki zuen.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Albiste gehiago gizartea
Emozioz eta tradizioz beteta abiatu da Jaialdi 2025
Hamarkada bat geroago, Boiseko euskal festa handia emozio, musika eta errotzearen bizileku bihurtu da berriro. Ozeanoak eta belaunaldiak gurutzatzen dituen identitatearen ospakizuna itzuli da.
Elko (Nevada), artzain euskaldunen topaleku: "Egun gazte euskaldunik ez dator, Euskadin hobeto bizi dira orain"
Egoera asko aldatu da, eta egun ez dira artzainik geratzen, eta urrezko meatzetatik bizi dira herritarrak. Dena dela, bere euskal nortasuna ez dute galdu, izan ere, AEBko udalerri horretako biztanleen % 4 euskal jatorrikoa da, Elkoko egungo sheriffa bezala.
Lan Onari saria Carmelo Urza Larrauri Filologia Hispanikoko doktoreari emanda itxi du Lehendakaritzak 2025eko Jaialdira egindako bisita
Esparru akademikoan egindako lanagatik eta kanpoan euskal kultura zabaltzen egindako ekarpenagatik saritu dute Renoko Unibertsitateko Filologia Hispanikoko doktorea. Oso gazte zela Estatu Batuetara bizitzera joan bazen ere, euskal sustraiei eusteagatik eta Euskadiren eta Estatu Batuen arteko harremanak estutzeko lan egiteagatik nabarmendu da beti.
Zirkulazio motela euskal errepideetan larunbat honetan, eta auto-ilarak AP-8 eta AP-1 autobideetan
Europako iparraldetik hegoaldera errepidez egiten diren joan-etorrien bolumen handiak auto-ilarak sortu ditu euskal errepide sarean, abuztuko lehen asteburuko trafiko irteera operazioarekin batera.
Lau gizonek 18 urteko neska bat inguratu eta bortxatu dute Ferrolen
Gizon bat atxilotu dute jada. Erasoa Coruñako hiriaren Espainia plazako arkupe batzuetan gertatu zen. Gertakariak asteartetik asteazkenerako gauean jazo ziren, hiriaren erdialdean.
Bilbok hilerria modernizatu du errausketak eta maskotentzako zerbitzuak eskaintzeko
Araudi berria irailera arte egongo da ikusgai, eta heriotza perinatalari ematen zaion tratuari eta erlijio-aniztasunerako guneei buruzko hobekuntzak ere jasotzen ditu, besteak beste.
Adineko bost moja Urduñako komentutik ateratzea eragotzi dute, erlijiosoak Beloradotik bota ondoren
Adineko lekaimeen beharrengatik egokitutako garraio berezi bat prest zuten, baina ezin izan dute erabili, moja matxinoek uko egin baitiote giltzak emateari. Gainera, gaurko operazioa "bahiketatzat eta agintekeriatzat" jo dute moja horiek.
Gasteizko txosnak itzuli dira txandalariak omenduz, eta musikaz eta aldarrikapenez beteta
Txosnagunea Arabako Campusera itzuliko da kontzertuekin, herri-ekimenekin eta TicketBAIren ezarpenaren kontrako protestekin. Bien bitartean, Txosnetako txandalariak izan dira Txosnisariaren irabazleak.
50 boluntario inguruk Barrundian desagertutako 77 urteko emakumea bilatzeko lanekin bat egin dute
Senideek asteartean salatu zuten adineko emakumearen desagerpena. Emakumea Hermua auzoko bere etxebizitzatik atera zen, eta ez dute berriro ikusi.
Zeledonek baditu aterkia, zahatoa eta zapia: "Ez dugu inolako erasorik onartuko"
Maider Etxebarria alkateak "zorterik onena" opa dio Iñaki Kerejazuri. Kerejazuk bigarren urtez jarraian pertsonaia ezagunaren papera egingo du. Bere hitzaldian, alkateak jaiez "arduraz" eta "errespetuz" gozatzera gonbidatu ditu herritarrak.