Lizarrako San Jurgiren eskultura lehengoratzen ari dira
Lizarrako San Migel elizan (Nafarroa) dagoen XVI. mendeko San Jurgiren eskultura hasierako egoerara ekartzeko lanak bizpahiru astetan amaituko dituzte, Ondare Historikoaren Zerbitzuko ondare eta arkeologia atalez arduratzen diren langileek "lan zorrotza" egin ostean.
Intxaurrondo egurrez egindako irudia Nafarroako ondare historikoen artean dago. Ekainean egindako zaharberritze lan batek polemika handia piztu zuen, eta Borja herriko Ecce homo ezagunari egin ziotena ekarri zuen gogora.
Espainiako Zaharberritzaileen Elkarteak (ACRE) zaharberritze lan horretaz arduratu zen Lizarrako Karmacolor enpresaren kontrako salaketa jarri zuen, eta Nafarroako Gobernuko Kultura arloak enpresari eta parrokiari zenbaterainoko zigorra ezarri ahal dien iragarri du; 6.010 eurorainokoa izan daiteke, hain zuzen ere.
Bien bitartean, San Jurgiren eskultura hasierako egoerara ekartzeko lanekin aurrera jarraitzen ari dira. Carlos Martinez Alava Ondare Historikoaren Zerbitzuko zuzendariak jakinarazi duenez, zaharberritzea amaitutakoan eramango dute San Jurgiren irudia San Migel elizara.
Irudi originalaren jatorrizko geruzak agerian uztea lortu dute langileek; Martinez Alavak esan duenez, baina, eskultura polikromatua izanik ekainean egindako zaharberritze lanaren azpian ezkutatuta geratu ziren geruza batzuk behin betiko galdu dira. Dena dela, eskultura hasierako egoerara ekarri ahal izateko behar besteko informazioa dutela zehaztu du.
Ondare Historikoaren Zerbitzuko zuzendariaren esanetan, baliteke XVI. mendean eginiko eskultura geruza ezberdinez osatuta egotea, urre koloreko atal batzuez gain, armaduran zilarrezko polikromiak atzeman baitituzte.
Ildo horretatik, lanak urriko azken asterako amaituta izatea aurreikusi du Martinez Alavak, eta San Jurgiren irudia bere osotasunean hasierako egoerara ekartzea ezinezkoa bada ere, hein handi batean XVIII. mendeko polikromiarekin antz handia izatea espero duela esan du.
Zure interesekoa izan daiteke
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.