Vela medikua absolbitu dute, delitu guztiak preskribatu baitira
Madrilgo Lurralde Auzitegiak haur lapurtuen auziko lehen epaia ezagutarazi du gaur: Eduardo Vela medikua absolbitu du Auzitegiak, leporatzen zaizkion delituak preskribatu baitira. Auzitegiaren ustez, dena den, leporatzen dizkioten delituen —legez kontrako atxiloketa, erditzea gertatu dela sinestaraztea eta dokumentuak faltsutzea— egilea da Vela, baina salatzaileak, Ines Madrigalek, 18 urte bete zituenean preskribatu ziren.
Nolanahi ere, epaia ez da irmoa, eta aldeek kasazio helegitea aurkez dezakete Auzitegi Gorenean. Madrigalek iragarri du errekurtsoa aurkeztuko duela, Gorenak haur lapurtuen auzian jurisprudentzia ezar dezan.
Madrigalek esan duenez, sentimendu gazi-gozoak ditu. Batetik, "pozik" dago Justiziak aitortu duelako "lapurtua" izan zela, baina, beste alde batetik, delituak preskribatuta jotzearekin desengainua hartu duela adierazi du. Emakumearen ustez, Auzitegia "ausarta" izan behar zen.
Madrigal, hedabideen aurrean adierazpenak egiten. Argazkia: EFE
Vela, delituen egile
Epaileen iritzian, Vela egozten dizkioten hiru delituen egile da, "zalantzarik gabe". Auzitegiak frogatutzat jo du medikuak "artean egun gutxi zituen umetxo bat" Ines Perez eta Pablo Madrigal bikoteari eman ziola 1969ko ekainean, "inoiz existitu ez zen erditze bat simulatuz eta seme-alabatasun faltsu bat sortuz".
"Jaioberriaren gurasoek ez zuten gertatutakoaren berri izan, eta ez zuten horretarako baimenik eman. Akusatuak Inesen erditzearen ziurtagiri faltsua egin zuen, egiten ari zena legez kontrakoa zela jakinda", azaltzen du epaiak.
Vela medikuak erditzea gertatu zela sinestarazi, eta umea Erregistro Zibilean euren alaba moduan izena emateko izapide guztiak ahalbidetu zituela frogatutzat eman arren, delituak preskribatu direla ebatzi du Auzitegiak.
Defentsak argudiatutakoa ontzat eman dute, beraz, epaileek. Tesiaren arabera, hiru delitu komun dauden kasuetan, larriena preskribatzen denean jo daiteke arau-haustea indargabetutzat. Kasu honetan, legez kontrako atxiloketarena da larriena (10 urtera preskribatzen da). Madrigalek 2012an salatu zuen auzia, eta ordurako 15 urte zeramatzaten delituek preskribatuta. Legez kontrako atxiloketaren delitua salatzaileak 18 urte bete zituenean preskribatu zen, epaiaren arabera.
Eduardo Vela San Ramon klinikako zuzendaria izan zen urte luzez. Salatzaileen arabera, umeekin trafikatzeko ustez sortutako sare baten erdigunea izan zen Madrilgo zentro hori.
Epaiketan zehar, akusazio guztiak ukatu zituen medikuak, eta defentsak delituak preskribatuta zeudela argudiatu zuen. Akusazioak 13 urteko kartzela-zigorra eskatu zuen. Fiskalak 11 urteko espetxe-zigorra eskatu zuen 85 urteko ginekologoarentzat.
Madrigalek 2010ean jakin zuen "egia"
Ines Madrilgal SOS Haur Lapurtuak elkarteko presidentea da.
18 urterekin esan zioten gurasoek adoptatu egin zutela, eta 2010ean "egia osoa" kontatu zion amaordeak. Bi urte geroago, auzitara eramatea erabaki zuen emakumeak.
Preskribatu direlakoan, milaka kasu artxibatu dira urte hauetan, baina Madrigalenak aurrera egin du.
Zure interesekoa izan daiteke
Talde animalistek manifestazioa egin dute Bilbon, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.