Gazteluetako irakasle ohiak aske jarraituko du epaia irmoa izan arte
Ikasle bati sexu-abusuak egiteagatik zigortutako Gazteluetako irakasle ohiak behin-behinean aske jarraituko du, Auzitegi Gorenak bere iritzia eman eta epaia irmoa izan arte.
Bizkaiko Probintzia Auzitegian gaur egin den bistan erabaki behar zuen epaileak Gazteluetako irakasle ohia espetxeratu ala ez. Zigortutako gizonezkoa "berehala" espetxeratzeko eskatu zuen biktimaren abokatuak. Dena den, epaileak eskaera hori atzera bota du, ihes egiteko arriskurik ez dagoela iritzita.
Hala ere, epaileak kautelazko neurriak ezarri dizkio: pasaportea erretiratu dio eta astero agertu beharko du epaitegian.
Eduardo Ruiz de Erenchun defentsa abokatuak iragarri duenez, kasazio helegitea prestatzen ari da eta laster aurkeztuko du errekurtsoa Auzitegi Gorenean. Bere bezeroarentzat absoluzioa eskatuko duela aurreratu ostean, Gorenak absoluzio gutxi ebazten dituela aitortu du. Kontuak kontu, 11 urteko kartzela zigorra 3 edo 5 urtean jaisteko itxaropena agertu du. Epeei dagokienez, Gorenak kasazio helegitea ebazterako urtebete inguru igaroko dela azpimarratu du.
Leticia de la Hoz akusazioaren abokatuaren esanetan, biktimaren familia gustura dago epaiarekin, baina zigorraren larritasunagatik egin zuen kondenatua "berehala" espetxeratzeko agindua. "Ez da ezer gertatzen espetxera orain edo urtebete barru sartzea", gaineratu du. Gainera, kasazio helegitea bederatziko hilabetean ebaztea espero du.
Urriaren 22an eman zuen aipatu auzitegiak kasu honi buruzko epaia, eta 2008-2009 eta 2009-2010 ikasturteetan ikasle bati egindako sexu-abusuengatik zigortu zuten bertan irakaslea.
Epaiaren arabera, 11 urteko espetxe-zigorra, beste horrenbeste urteko inhabilitazioa eta hamabost urtez biktimarengana gerturatzeko debekua ezarri zizkioten.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.